Ekspresija mitynhu ŭ padtrymku Madury. Karakas. 11.04.2013
14 krasavika projduć daterminovyja prezidenckija vybary ŭ Vieniesuele.Papiarednija prajšli 7 kastryčnika 2012 h., ale pieramožca vybaraŭ Uha Čaves, jaki kiravaŭ krainaj ad lutaha 1999 h. pamior 5 sakavika 2013 h. Darečy sistemu kantrolu hałasavańnia ŭ hetaj krainie nazyvajuć adnoj z samych prazrystych u śviecie.
Čaves nazvaŭ svaim spadkajemcam byłoha vice-prezidenta, vychadca z naroda Nikałasa Madura. Abjadnanaja apazicyja znoŭ stavić na byłoha hubiernatara Enrykie Kaprylesa Radonskaha, svajaki jakoha pachodziać z Uschodniaj Jeŭropy.
Napiaredadni hałasavańnia dziaržaŭnaje telebačańnie prademanstravała kadry, na jakich Madura naviedvaje mahiłu Uha Čavesa.Raniej Madura zajaŭlaŭ, što Čaves źjaŭlaŭsia jamu ŭ śnie ŭ vyhladzie ptuški i błasłaviŭ na prezidenctva.
Kandydat na pasadu kiraŭnika dziaržavy ad apazicyi Enrykie Kapryles zajaviŭ, što Madura takim čynam parušaje ŭsie vybarčyja normy.
U subotu Kapryles zapuściŭ internet-kanał dla tranślacyi materyjałaŭ ŭłasnaj pieradvybarnaj kampanii.
Madura razhladajecca ŭ jakaści favaryta pieradvybarčaj honki, adnak apošnija apytańni pakazvajuć, što razryŭ pamiž im i apazicyjnym kandydatam Enrykie Kapryles skaračajecca.
Z nahody zaviaršeńnia pieradvybarčaj kampanii abodva kandydaty arhanizavali masavyja mitynhi, sprabujučy zarabić hałasy vybarščykaŭ napiaredadni niadzielnaha hałasavańnia..
Darečy, vybarčy ŭčastak arhanizavany i ŭ Minsku, u pasolstvie Vieniesueły.
