Incydent adbyŭsia ŭ Iviancy (Vałožynski rajon Minskaj vobłaści) 21 studzienia. Na nastupnym tydni kryminalnaja sprava budzie pieradadziena prakuroru. Paciarpieły — miascovy žychar, 1954 hoda naradžeńnia — źjaŭlajecca invalidam dziacinstva ŭ vyniku pieraniesienaha im mieninhitu.
Pra heta raskazaŭ śledčy Vałožynskaha rajonnaha adździeła Śledčaha kamiteta Siarhiej Łapcik.
U hety dzień mužčyna išoŭ pa vulicy. Tam ža hulali piaciora školnikaŭ. «Dziela žartu jany pačali kidać u jaho śniežki», — rastłumačyŭ śledčy.
Źlohku padyhraŭšy chłopcam, mužčyna pajšoŭ dadomu. Ale dla padletkaŭ na hetym viesiałucha nie skončyłasia.Jany pajšli za invalidam, zajšli ŭ jaho dom. Zakidali jaho žyllo śniežkami, častku rečaŭ vynieśli na vulicu, potym samy starejšy padletak udaryŭ mužčynu švabraj. Paździekavaŭšysia, školniki razyšlisia.
Praź niekalki dzion da paciarpiełaha pryjechała siastra. Jana ž źjaŭlajecca jaho apiekunom. Žančyna ŭbačyła na tvary brata rany i źviarnułasia ŭ milicyju. Toje, što padletki byli ŭ domie paciarpiełaha, paćvierdziła susiedka.
Pa słovach Siarhieja Łapcika, čatyrom padletkam na toj momant było pa 13 hadoŭ. Usie piaciora vučacca ŭ miascovaj škole.
26 lutaha zaviedziena kryminalnaja sprava pa artykule 339 «Chulihanstva». Na nastupnym tydni kryminalnaja sprava budzie pieradadziena prakuroru.
0
0
0
0
0
0