U Biełarusi ŭ vyniku padjomu ŭzroŭniu vady ŭ 49 rekach i rastavańnia śniehu padtoplenyja 671 žyły dom, 3.803 padvorki, 3.647 haspadarčych pabudoŭ, 1.453 dačnyja damy, 95 učastkaŭ daroh, adzin piešachodny i 13 aŭtamabilnych mastoŭ, paviedamlajepres-słužba MNS.
Ad pavodki paciarpieli dźvie škoły, dva mahaziny, haraž,
Za minułyja sutki pavodkaj padtoplenyja jašče 103 žyłyja damy, 418 padvorkaŭ, 538 haspadarčych pabudoŭ, 276 dačnych damoŭ i vodazabornaja śvidravina ŭ 21 nasielenym punkcie Bresckaj, Viciebskaj, Homielskaj i Mahiloŭskaj abłaściej.Ratavalniki adsialili dvanaccać čałaviek. U Žłobinskim, Naraŭlanskim i Kalinkavickim rajonach Homielskaj vobłaści i Babrujsku (Mahiloŭskaja vobłaść) padtoplenyja 11 učastkaŭ daroh. Tałyja vody stali pryčynaj padtapleńnia dvuch žyłych damoŭ, siami padvorkaŭ i šaści haspadarčych pabudoŭ u Turavie i vioscy Pahost (Homielskaja vobłaść).
Tak, 22 krasavika było zadziejničana ahulnym likam 58 čałaviek i 41 adzinka techniki.Tym časam ratavalniki praciahvajuć likvidoŭvać nastupstvy praryvu damby na Prypiaci kala vioski Mardvin (Pietrykaŭski rajon Homielskaj vobłaści).
U miesca razmyvu damby vyhružana 335 ton druzu, 680 kubamietraŭ piasku, skinuta 790 miaškoŭ ź piaskom. Udabavak zapasiena jašče 50 miaškoŭ ź piaskom 65 ton druzu. Usiaho z pačatku adnaŭlenčych rabot było vykarystana 4.890 miaškoŭ ź piaskom, kala 2,5 tys. kubamietraŭ piasku i 735 ton druzu. Na hety momant adnoŭleny 24 mietry damby — pa 12 mietraŭ z kožnaha boku. Raboty pa likvidacyi razmyvu damby praciahvajucca.