Vysoki pradstaŭnik «Gazprom Germania» — niamieckaj dačynnaj kampanii rasiejskaha enerhakancernu — byŭ supracoŭnikam «Štazi». Pra heta paviedamlaje hazeta «Die Welt». Jana nahadvaje, što heta nia pieršy vypadak suviazi menedžeraŭ «Hazpromu» z daŭnimi słužbami biaśpieki HDR.
Kiraŭnik kadravaj słužby «Gazprom Germania» Hans‑Uve Krejer byŭ nieaficyjnym supracoŭnikam tajemnaj palicyi HDR pry kancy 70‑ch (viadomy, jak ahient «Rołand Šroder»), a taksama ŭ druhoj pałovie 80‑ch — hetym razam pad pseŭdanimama «Hartman». «Die Welt» dabrałasia da tečki Krejera, jakaja ŭtrymlivaje bolš za 600 staronak. Hazeta piša, što Krejer byŭ kaštoŭnym supracoŭnikam «Štazi», bo mieŭ dostup da ŭsich investycyjaŭ enerhahaspadarki na terytoryi Ciurynhii. Hans‑Uve Krejer nie asprečvaje fakt svajho supracoŭnictva z «Štazi». Pradstaŭnik « Gazprom Germania» skazaŭ, što kiraŭnictva firmy viedała pra minułaje Krejera. Adnak jon dadaŭ, što «my nie źjaŭlajemsia pradpryjemstvam, pranizanym ahientami «Štazi».
«Die Welt» nahadvaje pra dva inšyja vypadki supracoŭnictva z «Štazi» menedžeraŭ pradpryjemstvaŭ, źviazanych z «Hazpromam». Hedeeraŭskimi špijonami byli miž inšym Feliks Štrehober, finansavy dyrektar «Gazprom Germania», i Macias Varnih, ciapierašni administratyŭny dyrektar kampanii «Nord Stream», jakaja buduje Paŭnočny hazapravod. Były kancler Hierchard Šroder, jaki ŭznačalvaje schod akcyjaneraŭ «Nord Stream», admoviŭsia kamentavać minułaje svajho supracoŭnika.
