U stalicy mienskija dynamaŭcy prymali «Odense» (Danija). Na 73-j chvilinie lik adkryŭ biełarus Anton Puciła. Pryhožy prachod, pryhožy hoł.
Na žal, dynamaŭcy, jakija hulali lepš, utrymać pieramožny lik nia zdoleli. Pry kancy hulni ŭ dynamaŭskaj štrafnoj ŭźnik šerah lakalnych pažaraŭ. Apošni patušyć biełarusy nia zdoleli. Finalnuju kropku pastaviŭ na apošniaj dadadzienaj arbitram chvilinie kapitan haściej Ulryk Łaursen – 1:1.
Hulnia ŭ adkaz projdzie praz dva tydni, 30 žniŭnia (akurat na dzień narodzinaŭ Łukašenki : ) u Odensie. Zaznačym, što ŭ hetym horadzie 200 hadoŭ tamu naradziŭsia znakamity kazačnik Hans Chryścijan Andersen. Moža, biełaruskaja kazka i ździejśnicca.
Nahadajem, što ŭ pieršym kvalifikacyjnym raŭndzie mienčuki biez asablivych ciažkaściaŭ pieraadoleli barjer u vyhladzie łatvijskaha «Skonta». Praŭda, tam pieršy matč biełarusy hulali ŭ haściach.