Pra heta sajtu charter97.org raspaviała Tamara Vaśkovič, babula palitźniavolenaha aktyvista arhkamiteta pa stvareńni partyi «Biełaruskaja chryścijanskaja demakratyja» (BCHD) Jaŭhiena Vaśkoviča.
«Apošni list ja atrymała 29 sakavika. U im ŭnuk paviedamiŭ, što da jaho pačali dachodzić listy i nie tolki ad blizkich svajakoŭ. Da jaho taksama dajšła pieradača ad rodnych, los jakoj doŭhi čas byŭ nieviadomy», — adznačyła babula palityčnaha viaźnia.
Jana padkreśliła, što z taho času ad Vaśkoviča nie było nijakich viestak.
«Voś užo druhi miesiac ja čakaju ad jaho list. Nakolki mnie viadoma, inšym svajakam taksama ničoha nie prychodziła. Ja navat nie viedaju, što zdaryłasia. Moža być, jaho niejak achavali ad suviazi z vonkavym śvietam, heta značyć paprostu pakarali», — ličyć Tamara Vaśkovič.
Nahadajem, z traŭnia 2011 hoda ŭ palitviaźnia Vaśkoviča było kala 40 spahnańniaŭ ad kiraŭnictva pienitencyjarnych ustanoŭ, bolš za 20 raz jaho kidali ŭ ŠYZA, u vyniku čaho jon pravioŭ u štrafnym izalatary bolš za 150 sutak.
Takim čynam, biełaruskija ŭłady nie spyniajuć maralna i fizična cisnuć na palityčnych viaźniaŭ i kožny raz źviartajucca da novych mietadaŭ.
Jaŭhien Vaśkovič byŭ asudžany razam z Arciomam Prakapienkam i Paŭłam Syramałotavym. Jaho prysudzili da 7 hadoŭ źniavoleńnia nibyta za sprobu padpału dźviarej babrujskaha adździaleńnia KDB. U vieraśni minułaha hoda Pavieł Syramałotaŭ vyjšaŭ na volu paśla taho, jak napisaŭ prašeńnie ab pamiłavańni na imia Łukašenki. Jaŭhien Vaśkovič i Arciom Prakapienka admaŭlajucca pisać takoje prašeńnie.
