Пра гэта сайту charter97.org распавяла Тамара Васьковіч, бабуля палітзняволенага актывіста аргкамітэта па стварэнні партыі «Беларуская хрысціянская дэмакратыя» (БХД) Яўгена Васьковіча.
«Апошні ліст я атрымала 29 сакавіка. У ім ўнук паведаміў, што да яго пачалі даходзіць лісты і не толькі ад блізкіх сваякоў. Да яго таксама дайшла перадача ад родных, лёс якой доўгі час быў невядомы», — адзначыла бабуля палітычнага вязня.
Яна падкрэсліла, што з таго часу ад Васьковіча не было ніякіх вестак.
«Вось ужо другі месяц я чакаю ад яго ліст. Наколькі мне вядома, іншым сваякам таксама нічога не прыходзіла. Я нават не ведаю, што здарылася. Можа быць, яго неяк ахавалі ад сувязі з вонкавым светам, гэта значыць папросту пакаралі», — лічыць Тамара Васьковіч.
Нагадаем, з траўня 2011 года ў палітвязня Васьковіча было каля 40 спагнанняў ад кіраўніцтва пенітэнцыярных устаноў, больш за 20 раз яго кідалі ў ШЫЗА, у выніку чаго ён правёў у штрафным ізалятары больш за 150 сутак.
Такім чынам, беларускія ўлады не спыняюць маральна і фізічна ціснуць на палітычных вязняў і кожны раз звяртаюцца да новых метадаў.
Яўген Васьковіч быў асуджаны разам з Арцёмам Пракапенкам і Паўлам Сырамалотавым. Яго прысудзілі да 7 гадоў зняволення нібыта за спробу падпалу дзвярэй бабруйскага аддзялення КДБ. У верасні мінулага года Павел Сырамалотаў выйшаў на волю пасля таго, як напісаў прашэнне аб памілаванні на імя Лукашэнкі. Яўген Васьковіч і Арцём Пракапенка адмаўляюцца пісаць такое прашэнне.
-
Аднавілі мост там, дзе яго не магло быць, бо не змаглі знайсці яго рэальнае месца. Што за рэстаўрацыя адбываецца ў Жылічах?
-
У Мінску затрымалі пенсіянера, які краў тэлефоны, пакінутыя на вакзале на падзарадку. Ён вінаваціць уладальнікаў
-
Жанчына набыла ў фірмовай краме «Беліты» падарункавы сертыфікат. У іншай краме яго не прынялі
Цяпер чытаюць
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары