Chakiejnaja zbornaja 1995 hoda.
Mižnarodnaja fiederacyja chakieja zabaraniła fanatam baleć za biełaruskuju kamandu z nacyjanalnymi, bieł-čyrvona-biełymi ściahami. Padstavaj staŭ punkt, pavodle jakoha nielha vykarystoŭvać trybunu spartovych matčaŭ dla palityčnaj ahitacyi.
Jak miarkujecca, Fiederacyja zrabiła taki krok z padačy łukašenkaŭcaŭ. Ich razdražniaje toj fakt, što biełarusy ŭ zamiežžy masava vykarystoŭvajuć nacyjanalnyja kolery. U Biełarusi ludziej abšukvajuć na ŭvachodach na stadyjony, a za miažoj ludzi pranosili ściahi z saboj na trybuny.
I zakonapasłuchmianaja šviedskaja palicyja musiła vykonvać ukazańnie Mižnarodnaj chakiejnaj fiederacyi. Jany nie ŭličyli śpiecyfiki Biełarusi, dzie zachoŭvajecca aŭtarytarny režym.
Takija dziejańni chakiejnych funkcyjanieraŭ, ciesna schaŭrusavanych ź Minskam — nastupny chakiejny turnir maje adbycca ŭ Biełarusi — vyklikali pratest u šviedskich palityčnych kołach. «Zabarona biełaruskaha ściaha — heta hańba, – reahuje deputat šviedskaha parłamienta Kryścijan Chołm. — Haniebna i niajomka, kali heta praŭda”, — napisaŭ palityk na svajoj staroncy ŭ Fejsbuku.
Šviedskija palityki i pravaabaroncy pradprymajuć dziejańni, kab usio ž biełarusam nie zabaraniali baleć z nacyjanalnymi ściahami.
Šviedy vyjduć na akcyju ŭ padtrymku bieł-čyrvona-biełych ściahoŭ. Jana zapłanavanaja na paniadziełak.
Jany taksama prosiać zasyłać listy z dumkami nakont hetaj situacyi na adras arhanizataraŭ Čempijanatu śvietu. E-adras: [email protected]
