U piatnicu pierad Kaŭnaskim sudom paŭstaŭ Dehi Dudajeŭ, małodšy syn pieršaha prezidenta Čačenskaj Respubliki Džachara Dudajeva.
Jaho abvinavačvajuć va ŭdziele ŭ arhanizavanaj złačynnaj hrupoŭcy, padrobcy i zachoŭvańni falšyvych pašpartoŭ Litoŭskaj Respubliki.
Razam z Dehi Dudajevym, jaki žyvie ŭ Vilni, na łavu padsudnych sieli jaho saŭdzielniki z Kaŭnasa (Koŭna) - 37-hadovy Alus Jankaŭskas, 25-hadovy Dajnius Ivaška i 26-hadovy Nieryjus Manciavičus. Jany abvinavačvajucca, što dziejničajučy ŭ złačynnaj hrupoŭcy, u vialikaj kolkaści padrablali dakumienty, zachoŭvali narkotyki, vykradali piačatki i h.d.
Usie abvinavačanyja znachodziacca na voli, zatrymany tolki Manciavičus, jaki prachodzić i pa inšaj spravie.
Padazrajuć, što Dehi Dudajeŭ, u jakoha jość vid na žycharstva ŭ Litvie, vyvoziŭ z krainy partyju padroblenych litoŭskich pašpartoŭ.
Miarkujuć, što za hrošy jon pasiaredničaŭ pamiž tymi, chto vyrablaŭ padroblenyja dakumienty, i ludźmi, jakija mieli patrebu ŭ takich dakumientach (hetyja pašparty jość kluč kab trapić u roznyja krainy ES dy inšych krain). Takimi pašpartami, jakija byli znojdzienyja padčas zatrymańnia Dudajeva, pavinny byli karystacca čačency.
Pa słovach słužboŭcaŭ, padrobki davoli jakasnyja, adnak pry praviercy admysłovymi pryborami adrazu ž možna vyznačać, što jany falšyvyja.
U syna Ały Dudajevaj litoŭskaje hramadzianstva.
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 20262
Kamientary