Hrodziency ab trahičnym vypadku ŭ «Ekamiedservisie»: Usiudy moža zdarycca takoje, nichto nie zastrachavany
Što vy dumajecie pra situacyju vakoł śmierci hrodzienskaj dziaŭčyny Julii Kubaravaj? Ci mahło takoje adbycca nie ŭ pryvatnym miedcentry, a ŭ dziaržaŭnaj balnicy? Na hetyja pytańni adkazvajuć žychary Hrodna.
«Kaniečnie, vinavatyja daktary, jakija pracujuć u «Ekamiedservisie», ja liču. Jany nie pavinny byli dapuścić takoha. I tym bolš baćki bačyli, u jakim dziaŭčyna stanie. Daktary mahli bolš uvahi joj udzialić, a nie adniekvacca… Ja viedaju jašče taki vypadak. U našym domie žyvie žančyna, u jakoj dačce paŭtara hoda. U balnicu pakłali, pastavili kropielnicu da hałavy. Mozh pačaŭ aciakać, ale doktar nie nadaŭ hetamu značeńnia, i dziaŭčynka stała invalidam. Kali ab takich vypadkach pačuješ, to vielmi strašna».
«Dumaju, takoje mahło zdarycca z kožnym čałaviekam. Heta vola vypadku i nie zaležyć ad taho — u dobraj klinicy budzieš ci ŭ drennaj».
«Ja dumaju, što treba canić siabie takim, jaki ty jość, i nie marnavać žyćcio i čas na ŭsiakija apieracyi takija».
«Mahło takoje być u luboj balnicy. Heta jašče zaležyć ad daktaroŭ: jak jany vyvučylisia, kampietentnyja jany ci nie».
«A ŭ zvyčajnych balnicach kožny dzień ludzi pamirajuć. A zaraz «baćka» hety centr pryvatyzuje, jak «Spartak», jak «Kamunarku». Padstava takaja ź`iaviłasia ŭ našaha prezidenta — adabrać pryvatnyja kliniki».
«Mnie zdajecca, što heta moža być u luboj balnicy. Adno tolki, što tut aniestezijołah pajšoŭ… Heta ž zaležyć ad doktara. Nie pačakaŭ, pakul dziaŭčyna vyjšła z narkozu».
«Mnie zdajecca, usiudy moža zdarycca takoje, nichto ž nie zastrachavany».
«U nas u Biełarusi takoje mahło zdarycca ŭsiudy, navat u dziaržaŭnaj balnicy. Tamu što, mnie zdajecca, biełaruskaja miedycyna — absalutna nijakaja, ni na jakim jana nie na ŭzroŭni».
«Mahło zdarycca ŭ luboj klinicy. Ale asabista ja suprać taho, kab źmianiać niešta ŭ svaim tvary. Heta ŭvohule niepažadana rabić, tamu što škodzić arhanizmu svajmu čałaviek. Čałaviek zrobleny tak, jak treba. Usia hetaja chimija — heta žachliva. Kali napampoŭvajuć biust svoj ci ruki, potym mohuć być uskładnieńni. Pry karmleńni mamaj dziciaci małako ŭ jaje moža być nie takim, jakim pavinna».
Kamientary