Dyrektar Biełaruskaha dziaržaŭnaha muzieja historyi Vialikaj Ajčynnaj vajny Siarhiej Azaronak zvolnieny napiaredadni Dnia Pieramohi, paviedamlaje partał tut.by sa spasyłkaj na rabotnikaŭ muzieja.
«Jon sabraŭ nas dniom 8 maja i skazaŭ, što pakidaje svaju pasadu. Siarhiej Ivanavič padziakavaŭ za pracu i paprasiŭ praciahvać pačatuju spravu», — paviedamiŭ supracoŭnik muzieja. Pry hetym, adznačyŭ jon, «niekatoryja supracoŭniki zajavili, što pakinuć muziej śledam za dyrektaram».
Pavodle słoŭ surazmoŭcy, adna z pryčyn zvalnieńnia — zaciahvańnie terminaŭ zdačy novaha budynka muzieja na praśpiekcie Pieramožcaŭ i vyzvaleńnia pamiaškańniaŭ muzieja na Kastryčnickaj płoščy.
«Pry hetym vina dyrektara ŭ hetym pytańni minimalnaja — budaŭniki zaciahnuli zdaču novaha budynka muzieja, a pierajezd ekspazicyi na novaje miesca zachoŭvańnia byŭ prablematyčny pavodle techničnych charaktarystyk», — skazaŭ jon. Nahadajem, vystupajučy 19 krasavika ŭ parłamiencie sa štohadovym pasłańniem, Alaksandr Łukašenka daručyŭ Ministerstvu kultury i Minharvykankamu adkryć da
70-j hadaviny vyzvaleńnia Biełarusi ad
niamiecka-fašysckich zachopnikaŭ u 2014 hodzie muziej historyi Vialikaj Ajčynnaj vajny «z maštabnaj ekspazicyjaj, jakaja pavinna być najlepšaj u śviecie».
Kamientary