Sustreča Alaksandra Łukašenki i prezidenta Rasii Uładzimira Pucina miełasia adbycca ŭ Sočy, i ŭ Kramli čakali jaje, paćvierdziŭ 14 maja «MK» pres-sakratar prezidenta Rasii Dźmitryj Piaskoŭ.
Čakałasia, što Łukašenka składzie kampaniju svaim synam i vystupić ź imi ŭ składzie chakiejnaj zbornaj Biełarusi na fiestyvali Načnoj chakiejnaj lihi ŭ Sočy. Ale kamanda prezidenta Biełarusi była vyklučanaja sa spabornictvaŭ, i Łukašenka ŭ Sočy nie pajechaŭ.
«Kali b Alaksandr Ryhoravič znajšoŭ čas ŭ svaim pracoŭnym hrafiku i pryjechaŭ na spabornictvy, možna mierkavać, što dva prezidenty vykarystali b hetuju mahčymaść dla sustrečy. Ale aficyjnych kantaktaŭ nie płanavałasia», - padkreśliŭ Piaskoŭ.
Pres-sakratar Pucina padkreśliŭ, što «u bližejšyja dva tydni płanujecca šmat mierapryjemstvaŭ u ramkach intehracyjnych pracesaŭ, uklučajučy sustrečy na vyšejšym uzroŭni». Nahadaju, na 28 maja zapłanavany niefarmalny samit kiraŭnikoŭ dziaržaŭ-udzielnic ADKB u Biškieku, kudy ŭvachodziać i Rasija, i Biełaruś.
0
0
0
0
0
0