1. Biełarusy ŭpieršyniu ŭziali ŭdzieł u Jeŭrabačańni ŭ 2004 h.
Duet «Alaksandra i Kanstancin» na konkursie, što pravodziŭsia ŭ Stambule, zaniali ŭ paŭfinale 19-je miesca i ŭ finał nie prabilisia. A konkurs vyjhrała ŭkrainka Rusłana sa svaimi «dzikimi tancami».
2. Najhoršy biełaruski vynik — heta vystup Paliny Smołavaj na konkursie ŭ 2006 h. ź pieśniaj «Mum». U vyniku -- 22-je miesca ŭ paŭfinale z 10 bałami.
Darečy, finał pravodziŭsia ŭ Afinach i jaho vyjhraŭ finski hurt «Lordi».
3. Praz hod biełarusy pakazali najlepšy vynik. Dźmitryj Kałdun u 2007 h. u Chielsinki ź pieśniaj Work Your Magic,napisanaj Filipam Kirkoravym, nie tolki vyjšaŭ u finał (biełarusy ŭ finale vystupali ŭsiaho dvojčy), ale i zaniaŭ tam vysokaje 6-je miesca. Pieśnia, darečy, vydatnaja.
A konkurs vyjhrała sierbka Maryja Šeryfavič.
4. Nastupny raz biełarusy prabilisia ŭ finał tolki ŭ 2010 h.Heta byŭ hurt «3+2», ale ŭ finale jon byŭ tolki 24-m. Konkurs pravodziŭsia ŭ Narviehii i jaho vyjhrała niemka Lena Majer.
U finale ŭ Maskvie jon nabraŭ rekordnyja 387 bałaŭ!5. Nu i hałoŭnaje dasiahnieńnie biełarusaŭ na Jeŭrabačańni. Bliskučaja pieramoha narviežca, narodžanaha ŭ Minsku 13 maja 1987 h., Alaksandra Rybaka ź pieśniaj Fairytale.
Jahony klip prahladzieła na youtube bolš za 50 młn čałaviek, a «Kazka» i inšyja pieśni hučali ŭ Biełarusi rynhtonami z kožnaha treciaha telefona.
Biezumoŭna, Alaksandr Rybak — pradstaŭnik Narviehii, i konkurs jon vyjhraŭ dla Narviehii, ale jon śpiavaje taksama i pa-biełarusku, rehularna pryjazdžaje ŭ Minsk i nie curajecca svaich karanioŭ. Što rabić, kali biełarusy časta dabivajucca najlepšych vynikaŭ pa-za miežami radzimy.
