1. Беларусы ўпершыню ўзялі ўдзел у Еўрабачанні ў 2004 г.
Дуэт «Аляксандра і Канстанцін» на конкурсе, што праводзіўся ў Стамбуле, занялі ў паўфінале 19-е месца і ў фінал не прабіліся. А конкурс выйграла ўкраінка Руслана са сваімі «дзікімі танцамі».
2. Найгоршы беларускі вынік — гэта выступ Паліны Смолавай на конкурсе ў 2006 г. з песняй «Mum». У выніку -- 22-е месца ў паўфінале з 10 баламі.
Дарэчы, фінал праводзіўся ў Афінах і яго выйграў фінскі гурт «Lordi».
3. Праз год беларусы паказалі найлепшы вынік. Дзмітрый Калдун у 2007 г. у Хельсінкі з песняй Work Your Magic,напісанай Філіпам Кіркоравым, не толькі выйшаў у фінал (беларусы ў фінале выступалі ўсяго двойчы), але і заняў там высокае 6-е месца. Песня, дарэчы, выдатная.
А конкурс выйграла сербка Марыя Шэрыфавіч.
4. Наступны раз беларусы прабіліся ў фінал толькі ў 2010 г.Гэта быў гурт «3+2», але ў фінале ён быў толькі 24-м. Конкурс праводзіўся ў Нарвегіі і яго выйграла немка Лена Маер.
У фінале ў Маскве ён набраў рэкордныя 387 балаў!5. Ну і галоўнае дасягненне беларусаў на Еўрабачанні. Бліскучая перамога нарвежца, народжанага ў Мінску 13 мая 1987 г., Аляксандра Рыбака з песняй Fairytale.
Ягоны кліп праглядзела на youtube больш за 50 млн чалавек, а «Казка» і іншыя песні гучалі ў Беларусі рынгтонамі з кожнага трэцяга тэлефона.
Безумоўна, Аляксандр Рыбак — прадстаўнік Нарвегіі, і конкурс ён выйграў для Нарвегіі, але ён спявае таксама і па-беларуску, рэгулярна прыязджае ў Мінск і не цураецца сваіх каранёў. Што рабіць, калі беларусы часта дабіваюцца найлепшых вынікаў па-за межамі радзімы.
Каментары