Jak adznačaje namieśnik načalnika ŭpraŭleńnia infarmacyi — načalnik adździeła pres‑słužby biełaruskaha MZS Maryja Vańšyna, «paśla vykanańnia nieabchodnych unutrydziaržaŭnych pracedur budzie ŭstanoŭleny paradak, zhodna ź jakim vizy na ŭjezd z nazvanymi metami na termin da 30 dzion hramadzianam ZŠA, jak praviła, buduć afarmlacca biez zaprašeńniaŭ i na padstavie tolki zapoŭnienych vizavych ankiet». «Hety krok źjaŭlajecca aktam dobraj voli i paćviardžaje družalubny charaktar biełaruskaj źniešniaj palityki», — padkreślivaje M.Vańšyna.
Razam z tym, infarmuje jana, «u adkaz na niedružalubnyja dziejańni Złučanych Štataŭ Biełaruś budzie ažyćciaŭlać adpaviednyja vizavyja abmiežavańni ŭ dačynieńni da peŭnych katehoryj amierykanskich aficyjnych asob».
Pry hetym, jak padkreślivajecca ŭ paviedamleńni, «Biełaruś zachoŭvaje pryncypovuju pazicyju adkrytaści dla ŭzajemapavažlivaha i raŭnapraŭnaha dyjałohu z ZŠA».
Nahadajem, u pačatku žniŭnia Dziarždepartamient ZŠA ŭvioŭ vizavyja abmiežavańni dla novych katehoryj biełaruskich čynoŭnikaŭ. U hety śpis trapili čynoŭniki ŭzroŭniu namieśnikaŭ ministraŭ i vyšej abo pryraŭnavanyja da ich, hienieralny prakuror i jaho namieśniki, aficery MUS i KDB u zvańni vyšej padpałkoŭnika, supracoŭniki ideałahičnych adździełaŭ Minskaha haradskoha i abłasnych vykankamaŭ, kiraŭnik Administracyi prezidenta i jaho namieśniki, členy CVK i staršyni abłasnych vybarčych kamisij, staršyni abłasnych i rajonnych sudoŭ, staršynia Kanstytucyjnaha suda, dyrektary dziaržpradpryjemstvaŭ i ich namieśniki, a taksama žonki/mužy pieraličanych vyšej čynoŭnikaŭ.
Jak adznačałasia ŭ zajavie pasolstva ZŠA, rašeńnie ab pašyreńni śpisu było pryniata ŭ suviazi z tym, što praz hod paśla ŭviadzieńnia vizavych abmiežavańniaŭ u dačynieńni da vyšejšych słužbovych asob Biełarusi «režym Alaksandra Łukašenki praciahvaje zaklučać pad vartu i pieraśledavać hramadzian za vykazvańni ŭ abaronu demakratyi, praviadzieńnie mirnych demanstracyj i vystupleńni suprać represiŭnaj palityki režymu».
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)