Chronika apazycyi za 14 — 20 žniŭnia

14 žniŭnia

Nazad u Kastryčnicki

Skarha Jurasia Alejnika, adličanaha z čaćviortaha kursu Akademii kiravańnia pry prezydencie, budzie razhledžanaja 28 žniŭnia ŭ sudzie Kastryčnickaha rajonu Miensku. Takoje rašeńnie pryniaŭ sudździa Kastryčnickaha rajonu padčas papiaredniaj hutarki z zacikaŭlenymi bakami. Advakat Ju.Alejnika Łarysa Atamančuk nastojvaje na admienie zahadu ab adličeńni.

Buntaŭcami cikaviacca

Na dopyty ŭ mienskuju haradzkuju prakuraturu vyklikajuć siabroŭ niezarehistravanaha ruchu «Bunt». Pravaabaroncy nie vyklučajuć, što ŭ chutkim časie moža być pačataja novaja kryminalnaja sprava. Pavodle słovaŭ vyklikanych, sustrečy ŭ prakuratury ładziać kadebisty. U časie hutarak u siabraŭ ruchu cikavilisia arhanizacyjaj pracy sajtu i krynicami infarmacyi, što na im raźmiaščajecca.

Na bieraściejskaj mytni

Supracoŭniki Bieraściejskaj mytni kanfiskavali ŭ sakratara arhkamitetu pa stvareńni partyi «Biełaruskaja chryścijanskaja demakratyja» (BCHD) Dzianisa Sadoŭskaha dyski ź infarmacyjaj pra stalinskija represii i tekstam tvoraŭ Vasila Bykava, a taksama infarmacyjnyja materyjały kampanii pa abaronie prava na svabodu sumleńnia.

U Mahilovie abłoha

U Mahilovie milicyjanty sarvali seminar pradstaŭnikoŭ niaŭradavych arhanizacyjaŭ z udzie¬łam zamiežnych partneraŭ, jaki ładziŭsia na pryvatnaj kvatery. Hramadzianie Polščy paśla troch hadzinaŭ abłohi pahadzilisia pradstavić dakumenty dla pravierki.

16 žniŭnia

U Połacku

U akcyi Salidarnaści ŭziali ŭdzieł kala 15 čałaviek. Stolki ž ludziej pryjšli maralna ich padtrymać. Prysutnyja nahadali haradžanam imiony źnikłych u Biełarusi palitykaŭ i žurnalistaŭ. Nichto nia byŭ zatrymany.

U Žłobinie

U centry horadu źjavilisia raściažki «Svabodu Daškieviču!» i «Represii nas nia spyniać».

U Salihorsku

Moładź Vyjšła na płošču z partretami Źmitra Daškieviča.

U Mahilovie

Aktyvisty raspaŭsiudžvali pravaabarončyja biuleteni i malavali palityčnyja hrafici na asfalcie.

Moładź padtrymała

Akcyju salidarnaści z palitviaźniem praviali aktyvisty hramadzianskaj kampanii «Jeans za svobodu». Moładź sabrałasia la pad`iezdu domu, dzie žyvie siamja Alaksandra Kazulina.

17 žniŭnia

Sasimu dali

Zatrymanamu ŭ Dzień Salidarnaści Mikitu Sasimu sud Centralnaha rajonu Miensku admieraŭ 10 sutak aryštu za «drobnaje chulihanstva».

19 žniŭnia

Rovarnaja karyda ź bieł‑čyrvona‑biełymi ściahami

Salihorskija aktyvisty 19 žniŭnia, vyjechali na rovarach z prymacavanymi da bahažnikaŭ bieł‑čyrvona‑biełymi ściahami u centar Salihorsku.

Viełaakcyja pačałasia la budynku sudu, dzie maje adbycca praces nad miascovym maładafrontaŭcam Ivanam Šyłam.

Paśla maładafrontaŭcy pierajechali na centralnuju płošču i paśpieli abjechać jaje ź dziasiatak razoŭ pierad tym, jak pryjechała milicyja.

Udzielnikaŭ akcyi ŭziali ŭ koła j pačalisia zatrymańni, jak piša Saligorsk.org, z pahoniami na aŭtamabilach, pierachopami i blakavańniem cełych rajonaŭ.

Zatrymali Viktara Harhuna, u jakoha byli pry sabie vudy, pavodle milicyjantaŭ, mienavita tyja, da jakich čaplalisia ściahi, a taksama Ivana Šyłu. Apošniaha, pavodle Saligorsk.org, pa darozie ŭ pastarunak źbili: tvar byŭ kryvi, na ciele niekalki kryvapadciokaŭ. Ivana Šyłu abvinavacili ŭ niecenzurnaj łajancy j niepadparadkavańni zakonnym patrabavańniam milicyi.

20 žniŭnia

RNIE pahražaje Mironu

Čaćviora aktyvistaŭ viciebskaj haradzkoj arhanizacyi KCHP BNF Barys Chamajda, Jan Dziaržaŭcaŭ, Siarhiej Kavalenka i Jan Taŭpyha atrymali listy z pahrozami ad niezarehistravanaj arhanizacyi RNIE. Da kožnaha z adrasataŭ nieviadomyja źviarnulisia jak da «Mirona». Fašystoŭcy pahražajuć «Mironu» raspravaj u vypadku, kali nad Viciebskam jašče raz źjavicca bieł‑čyrvona‑bieły ściah. U pravaachoŭnyja orhany źviarnuŭsia tolki Jan Dziaržaŭcaŭ. Listy z pahrozami ad RNIE ŭ rozny čas letaś atrymali redakcyja niezaležnaj hazety «Vitiebskij kuŕjer», staršynia haradzkoj arhanizacyi AHP Alena Zaleskaja i zahadčyca litaraturnaj častkaj Kołasaŭskaha teatru Viktoryja Daškievič.

• 0
• 0
• 0
• 0
• 0
• 0
• 0
• 0