U vyniku niadaŭniaj pravierki Kamitet dziaržkantrolu vyjaviŭ šmatlikija parušeńni zakanadaŭstva pry vyłučeńni ziamielnych nadziełaŭ. Hod tamu pravodziłasia analahičnaja pravierka, jakaja taksama vyjaviła samavolnyja zachopy ziamielnych nadziełaŭ z maŭklivaj zhody vertykali. Varta adznačyć, što byłuju staršyniu Kaładziščanskaha sielskaha Savieta Tacianu Bondu vosieńniu minułaha hodu zatrymali pa padazreńni ŭ machinacyjach z vydzialeńniem ziamielnych nadziełaŭ. Pavodle infarmacyi «Ježiednievnika», były ŭžo staršynia Mienskaha rajvykankamu Michaił Hlinski fihuravaŭ u skandalnaj spravie ab vymahalnictvie samaha bujnoha ŭ Biełarusi chabaru — $7 młn. Pa toj spravie prachodziŭ i eks‑staršynia Mienskaha abłvykankamu Mikałaj Damaškievič. Adnak śledztva nia zdoleła sabrać nieabchodnych dokazaŭ.
Sumiesnaja kamisija, u jakuju ŭvajšli pradstaŭniki KDK, Rady biaśpieki, prakuratury, praanalizavała najaŭnuju infarmacyju pra dziejnaść M. Hlinskaha na pasadzie kiraŭnika Mienskaha rajonu. Akramia šmatlikich parušeńniaŭ zakanadaŭstva, kamisija pryznała niezdavalniajučymi vyniki sacyjalna‑ekanamičnaha raźvićcia rajonu. Padrabiaznaści spravazdačy, što pryviała da adstaŭki vertykalščyka, nie raskryvajucca. Pry hetym praviaralščyki nastojliva tłumačać, što zvalnieńnie Hlinskaha nie źviazanaje ź ziamielnym pytańnie.
Michaił Hlinski nie adnojčy traplaŭ na staronki hazetaŭ na pačatku hodu. Adzin sa skandałaŭ z udziełam byłoha staršyni Mienskaha rajvykankamu byŭ źviazany ź sielsavietam u Kałodziščach. Tady Mienski rajvykankam z treciaj sproby valavym rašeńniem pryznačyŭ svajho kandydata staršyniom Kaładziščanskaha sielsavietu. Bolšaść deputataŭ zastalisia niazhodnyja z hetym rašeńniem i šukali praŭdy ŭ prakuratury.
