Kolkaść zarehistravanych złačynstvaŭ u pieraliku na 10 tysiač čałaviek. Raźbiŭka pa kolerach: 1) mienš za 90; 2) 91-128; 3) 129-165; 4) bolš za 165. Čym śviatlejšy koler, tym złačynstvaŭ mienš. U haradach: čym bolšy kružok, tym bolšaja złačynnaść.
Biełstat padličyŭ kolkaść zarehistravanych złačynstvaŭ u kožnym z rajonaŭ Biełarusi ŭ 2012 hodzie.Zhodna z tłumačeńniem, u śpis patrapili hramadska niebiaśpiečnyja dziejańni, zabaronienyja Kryminalnym kodeksam.
Usiaho takich złačynstvaŭ naličyłasia 102 127. Heta istotnaje źnižeńnie ŭ paraŭnańni z papiarednimi hadami, kali fiksavalisia 130–150 tysiač złačynstvaŭ.Ci to biełarusy pierastali parušać zakon, ci to takija vypadki rehistrujucca nie tak aktyŭna.
Kožnaje čaćviortaje złačynstva fiksavałasia ŭ Minsku, ale toje nie dziva, kali ŭličyć kolkaść nasielnictva ŭ stalicy. Na 10 tysiač čałaviek tut fiksujecca 132 złačynstvy.Kali ž kazać pra kolkaść złačynstvaŭ pa rajonach, to ŭ lidarach nastupnyja administratyŭnyja adzinki:
1. Babrujski — 197 (biez horada)
2. Hłuski — 184
3. Viciebski — 180 (biez horada)
4. Biarezinski — 173
5. Puchavicki — 171
6. Homielski — 166 (biez horada)
7. Aršanski — 159 (biez horada)
Pryčym Babrujščyna zastajecca kryminalnym centram krainy hod za hodam. Naprykład, pazaletaś tam było zarehistravana 303 złačynstvy na 10 tysiač čałaviek.
Samyja biaśpiečnyja rajony vyhladajuć nastupnym čynam:
1. Drahičynski — 53
1. Žabinkaŭski — 53
3. Ivanaŭski — 56
4. Hancavičski — 57
5. Niaśvižski — 58
6. Brasłaŭski — 63
7. Lachavicki — 65.
0
0
0
0
0
0
