U Ńju-Jorku ŭ pamiaškańni hramadckaha centrf pry carkvie Sv. Kiryły Turaŭskaha prajšła XXVIII siesija Rady Biełaruskaj Narodnaj Respubliki.
U svaim vystupie staršynia Rady Ivonka Surviła vyznačyła hałoŭnyja mety dziejnaści, siarod jakich – zachavańnie niezaležnaści Biełarusi, vyzvaleńnie palitviaźniaŭ, spryjańnie demakratyčnym pieraŭtvareńniam na Baćkaŭščynie. Dziela hetaha siabry Rady buduć praciahvać supracoŭnictva z pradstaŭnikami parlamentaŭ i ŭradaŭ svaich krainaŭ. Ivonka Surviła adznačyła jak stanoŭčy fakt, što ŭ apošni čas zrabilisia bolš ščylnymi kantakty Rady ź liderami palityčnych i hramadzkich arhanizacyj na Baćkaŭščynie, što paspryjała i pryniaćciu letaś t. zv. Vilenskaha Memarandumu.
Na sesiju ŭ jakaści hościa byŭ zaprošany pieršy ambasadar ZŠA ŭ Biełarusi Devid Suorc, jaki abhruntavaŭ metazhodnaść pryznańnia ŭradam ZŠA Rady BNR jak adzinaha lehitymnaha biełaruskaha ŭradu. Taksama na sesiju byŭ zaprošany staršynia Kanservatyŭna-Chryścijanskaj partyi-BNF Zianon Paźniak – u svaim vystupie jon zrabiŭ analiz sytuacyi ŭ biełaruskaj dyjaspary.
Rada BNR pryniała rezalucyju ŭ spravie raźmiaščeńnia na terytoryi Biełarusi rasiejskich vajskovych bazaŭ. «Z prychodam da ŭłady A. Łukašenki, jaki raspłočvajecca za adsutnaść ekanamičnych reformaŭ Niezaležnaściu krainy, palityka Kramla nabyła prykmiety akupacyjnaj – adznačajecca ŭ dakumencie. – Na terytoryi Biełarusi ŭžo isnujuć dva rasiejskija vajskovyja abjekty – u Vialejcy i pad Hancavičami, rehularna pravoziacca sumiesnyja z Rasiejaj vajskovyja maneŭry, pad čas jakich adpracoŭvajecca naniasieńnie ŭdaraŭ pa terytoryi dziaržavaŭ Eŭrapiejskaha Źviazu. Z ulikam taho, što ŭłada ŭ Maskvie znachodzicca ŭ rukoch KDB-FSB, a rasiejskaja vajskovaja daktryna nakiravanaja suprać demkratyčnych krainaŭ Zachadu, Biełaruś robicca zakładnikam imperskich intaresaŭ Kramla. Usio heta stavić pad pahrozu Niezaležnaść Biełarusi. Rada BNR ličyć niedapuščalnym raźmiaščeńnie na terytoryi Biełarusi rasiejskich vajskovych bazaŭ i patrabuje ich nieadkładnaha vyvadu».
U skład Rady BNR byli pryniatyja novyja siabry.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary