Navukoŭcy paćviardžajuć: rezki rost vypadkaŭ raku horła tłumačycca virusam papiłomy, jaki pieradajecca pry aralnym seksie.
«Nie kureńnie i nie ałkahol vyklikali ŭ mianie zachvorvańnie. Ja dumaju, što pryčyna ŭ aralnym seksie i virusie papiłomy čałavieka», — pryznaŭsia
Navukovyja daśledavańni paćviardžajuć jahonyja słovy. Papiłomavirus čałavieka (PVČ) da niadaŭniaha času źviazvali ź vialikaj žanočaj prablemaj — rakam šyjki matki. Ale dva hady tamu prafiesarka Mora Džylisan z univiersiteta štata Ahajo (ZŠA) apublikavała šakujučyja vyniki svajho daśledavańnia, jakija dakazali, što hetaja prablema datyčyć taksama mužčyn.
Jana vyjaviła, što rost kolkaści vypadkaŭ raku paražniny rota ŭ amierykanskich mužčyn na 225% nie moža tłumačycca nastupstvami tytuniu i viski, bo ich spažyvańnie navat upała. Pryčyna — u roście raspaŭsiudžanaści aralnaha seksu. Chvaroba čaściej zdarałasia ŭ ludziej, jakija ŭ minułym zajmalisia aralnym seksam sa šmatlikimi ludźmi. Asabliva vyrazna ryzyka prasočvałasia ŭ tych, chto mieŭ za žyćcio bolš čym šeść kachanak. Daśledavańni, praviedzienyja ŭ ZŠA, pakazvajuć, što hety typ raku zdarajecca ŭ ich u vosiem razoŭ čaściej!
Da anałahičnych vysnovaŭ paralelna pryjšli jeŭrapiejskija navukoŭcy. The Guardian paviedamlaje, što ŭ Brytanii kolkaść vypadkaŭ raku paražniny rota ŭ mužčyn z 1989 hoda vyrasła ahułam na 50%, choć kolkaść kurcoŭ uvieś čas padała.
PVČ paražaje nie tolki rot, ale i horła, i hartań.
Papiłomavirus pieradajecca tolki ad čałavieka da čałavieka. Jon vyklikaje źmienu charaktaru rostu tkanak. Jahonaj prajavaj źjaŭlajucca vostrakancovyja kandyłomy i barodaŭki na połavych orhanach. Pieradajecca jon nie tolki połavym šlacham, ale časam i pabytovym. Jon zdolny niejki čas isnavać u łaźniach, basiejnach i h.d., zastajecca na ciele paśla dakranańnia i traplaje ŭ paškodžanuju skuru. Ličycca, što nośbitkami virusa na siońnia źjaŭlajucca kala 30% žančyn.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary