Šakujučaje videa: tak abychodziacca z žyviołami ŭ ahraharadku ŭ Bresckim rajonie
Hetaje videa nam dasłali z ahraharadka Znamienka.
Videa kamientaroŭ nie patrabuje.
Pa słovach ludziej, jakija dasłali nam hetaje videa, tak pieravozili karovy ź fiermy na fiermu na sielhaspradpryjemstvie «Miadnianskaja ptuškafabryka».Žyviołu padymajuć kaŭšom pahruzčyka i z vyšyni skidajuć u kuzaŭ hruzavika. Nielha tak hruzić žyviołu navat na bojniu, nie toje što ź fiermy na fiermu! «I nikomu niama spravy, pakalečyłasia žyviolina ci zabiłasia», — kažuć śviedki.
Ciažka sabie ŭjavić, kab takoje abychodžańnie z rahulaj mahli dapuścić našy baby ci dziedy.
Takoje žorstkaje abychodžańnie z žyviołami, miž inšym, ciahnie na administracyjnuju adkaznaść (štraf 10-30 bazavych albo administracyjny aryšt).
My zdabyli hetaje videa, kali stali raźbiracca ŭ situacyi ŭ haspadarcy «Miadnianskaja ptuškafabryka» ŭvohule.U minułym hodzie ptuškafabryku abjadnali z haspadarkaj «Ahravita». Pryznačyli novaha dyrektara.
Dajarki źviarnulisia ŭ «Našu Nivu», kali zrazumieli, što ŭ hetym miesiacy atrymajuć chiba 1,5 miljona rubloŭ.Kali i tych iznoŭ nie zatrymajuć. «Pa damovie zarobki pavinny vypłačvać 19 čysła, a my atrymlivajem tolki 30-31-ha».
Dyrektar Miadnianskaj ptuškafabryki Uładzimir Dziemiencijuk admaŭlaje abvinavačvańni.Kaža, što zarobki dajarkam nie zrazali. «Jość šerah ludziej, chto vypivaŭ, i my ich vyzvalili, — tak Dziemiencijuk tłumačyć nahavory na haspadarku. — Jość zryvy — idealnaha ničoha nie byvaje».
Čyja ž praŭda?
Cikavaja situacyja ŭ vioscy Znamienka (kolišniaja nazva — Duryčy) Bresckaha rajona, cikavaja. Cikavaja situacyja ŭ našym ahrakompleksie ŭvohule.
Artykuł pra ŭsio heta čytajcie ŭ nastupnym numary papiarovaj «Našaj Nivy».
Paviedamlajcie ŭ «Našu Nivu» jak pra zdabytki, radaści, dobrych ludziej, tak i pra fakty biezhaspadarčaści, dzikaści, krucialstva. Pišycie na nn@nn.by abo dasyłajcie infu praz formu na sajcie.
Kamientary