Hramadstva3030

Chto toj biełarus, jaki zahałasiŭ na mitynhu, što Siarhiej i Śviatłana Cichanoŭskija — «hańba i pahroza nacyjanalnaj biaśpieki Litvy»

Śviatasłaŭ Milajkoŭski davodzić, što ŭ 2020-m źbiraŭ podpisy za Viktara Babaryku i Valeryja Capkału. Ale nieviadoma, ci varta jamu vieryć.

Śviatasłaŭ Milajkoŭski na siońniašnim mitynhu. Fota «Našaj Nivy»

Śviatasłavu Milajkoŭskamu 44 hady. Jon minčuk. Pa adukacyi — historyk. Žanaty, maje dvaich dziaciej.

U Biełarusi Śviatasłaŭ pracavaŭ u biznesie. U jaho byŭ status indyvidualnaha pradprymalnika, a taksama jon byŭ viadučym śpiecyjalistam adździeła mižnarodnych prodažaŭ u kampanii «BIM Rašeńni». Śfiery dziejnaści kampanii — kansultacyjnyja pasłuhi ŭ halinie kampjutarnych technałohij, raniej jašče aptovy handal.

Małady Śviatasłaŭ Milajkoŭski. Fota ź jahonaj staronki Ukantakcie

Da 2020-ha Milajkoŭski nie byŭ palityčna aktyŭny. Ale ŭ 2020-m pavieryŭ u pieramieny i staŭ kaardynataram inicyjatyŭnaj hrupy pa zbory podpisaŭ za Viktara Babaryku ŭ Frunzienskim rajonie Minska. Śviatasłaŭ kazaŭ, što jon sabraŭ amal 50 tysiačaŭ podpisaŭ u rajonie i bolš za 500 — ułasnaručna.

Taksama jon byŭ u štabie Capkały. Pracavaŭ tam zabieśpiačencam, zajmaŭsia simvolikaj. Ale paśla razyšoŭsia sa štabam Capkały.

Ale tut jość niuansy. U čatach biełarusaŭ Litvy tady raspaŭsiudžvalisia źviestki pra toje, što Milajkoŭski — nie toj, za kaho siabie vydaje. Pisali, što anijakich podpisaŭ jon nie zdavaŭ, pavodziŭ siabie padazrona i jaho paźbiahali, ličačy ahientam śpiecsłužbaŭ. Inšyja pisali, što de-fakta Milajkoŭski nie byŭ kaardynataram pa Frunzienskim rajonie, što jon chłusić i prosić hrošy. Pravieryć hetyja śviedčańni ciapier składana.

Paviedamleńni, datyčnyja Śviatasłava Milajkoŭskaha, jakija publikavali ŭ čacie biełarusaŭ Vilni

Milajkoŭski raskazvaŭ u intervju błohieru-kanśpirołahu Vitalu «Virusu» Kandracienka ŭletku 2021 hoda, što nibyta sutyknuŭsia ź ciskam — atrymlivaŭ pahrozy, u jahonuju chatu sprabavali ŭvarvacca, i jon byŭ zmušany vyvieźci siamju. Sam Milajkoŭski źjechaŭ u Litvu 18 žniŭnia 2020-ha paśla taho, jak daviedaŭsia pra aryšt Juryja Vaskrasienskaha.

Spačatku jon žyŭ u łahiery dla biežancaŭ na dapamohu roznych dabračynnych arhanizacyjaŭ. Paśla paznajomiŭsia ź litoŭcam, jaki prytuliŭ jaho ź siamjoj.

Milajkoŭski na sustrečy z Bajdenam u Vilni. Fota ź jahonaj staronki ŭ Facebook

U Litvie Milajkoŭski spačatku pracavaŭ na fizičnych pracach — na lesapavale i lesapiłcy. Ciapier u jaho ŭ sacsietkach napisana, što jon zajmajecca niečym, źviazanym z aŭtamabilami. Žyvie ŭ Vilni pa žadańni žonki.

Jon užo ŭ 2021 hodzie krytykavaŭ Śviatłanu Cichanoŭskuju i Valeryja Capkału, ale chvaliŭ Viktara Babaryku. Dziejnaść OSC jon nazyvaŭ pravalnaj i paraŭnoŭvaŭ jaje z režymam Łukašenki.

Z taho času jon zaŭziata krytykuje dziejnaść Ofisa Śviatłany Cichanoŭskaj. Na svaich staronkach jon publikuje tematyčnyja videa. Viadoma taksama, što Milajkoŭski pieryjadyčna chodzić na mitynhi dyjaspary ŭ Litvie i na mierapryjemstvy ŭ «Zamku» Natalli Kalehavaj. Padtrymlivaŭ kantakty i z arhanizacyjaj «Naš Dom». Byŭ jon i ŭ inicyjatyvie SCHOD.

Śviatasłaŭ Milajkoŭski i Volha Karač na mitynhu ŭ Vilni. Fota z čata biełarusaŭ Litvy

Siońnia Milajkoŭski pryjšoŭ na sustreču sa Śviatłanaj i Siarhiejem Cichanoŭskimi ŭ Vilni i ŭziaŭ mikrafon. Milajkoŭski zajaviŭ, što Cichanoŭskija — «pahroza nacyjanalnaj biaśpiecy Litvy» i pačaŭ skandavać im «hańba». Paśla hetaha ludzi pačali skandavać jamu «hańba» ŭ adkaz, a palicyja vyvieła Milajkoŭskaha z natoŭpu i apytała.

Śviatasłava Milajkoŭskaha vyvodziać sa sceny. Videa «Našaj Nivy»

«Naša Niva» — bastyjon biełaruščyny

PADTRYMAĆ

Kamientary30

  • Michaś
    28.06.2025
    Tam, dzie Karač, usio zrazumieła. Ahienty łukašenki.
  • Čytajcie pieršakrynicy
    28.06.2025
    Žurnalisckaje sumleńnie, nu, jon ža staronki viadzie - to bok maje mahčymaść vykazvacca. Niachaj abhruntavana raspaviadzie, čym jamu Cichanoŭski zaminaje. A kryčać "Hańba" biez tłumačeńniaŭ - nu takoje siabie. Kali b to jahony mitynh byŭ - nijakich pytańniaŭ, ale jon imknuŭsia zakinuć łajna na vientylatar na čužym.
  • Lolik z-pad Limasoła
    28.06.2025
    Ahient nulavoha ŭzroŭniu
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Jak hłabalnaja źmiena klimatu adabjecca na Biełarusi? Nie zusim tak, jak my ŭjaŭlajem1

Jak hłabalnaja źmiena klimatu adabjecca na Biełarusi? Nie zusim tak, jak my ŭjaŭlajem

Usie naviny →
Usie naviny

HUR paviedamiła pra źniščeńnie ŭčastka rasijskaha hazapravoda, jaki absłuhoŭvaŭ VPK

Pucin hatovy da paharšeńnia adnosin z Trampam i nie budzie spyniać vajnu11

«Kava stanie raskošaj». Biełarusy šakavanyja cenami ŭ kramach16

«Apantanaści hieapalitykaj, jak u Rasii, u nas siońnia niama». Historyk parazvažaŭ, ci pieražyvuć biełarusy «russkij mir»17

Rubia patłumačyŭ zajavu Trampa pra zbroju dla Ukrainy za košt NATA

«Horad pracoŭnaj słavy 1941—1945». U Baranavičach adkryli manumient ź dziŭnaj nazvaj9

U Biełarusi i Rasii raspracujuć štučny intelekt z tradycyjnymi kaštoŭnaściami4

Asudzili za «sadziejańnie ekstremizmu» byłoha dyrektara škoły

Vučonyja znajšli ahromnistaje radovišča zołata, jakoje źmiaščaje 99,999% usiaho zołata płaniety8

bolš čytanych navin
bolš łajkanych navin

Jak hłabalnaja źmiena klimatu adabjecca na Biełarusi? Nie zusim tak, jak my ŭjaŭlajem1

Jak hłabalnaja źmiena klimatu adabjecca na Biełarusi? Nie zusim tak, jak my ŭjaŭlajem

Hałoŭnaje
Usie naviny →

Zaŭvaha:

 

 

 

 

Zakryć Paviedamić