Karciny Maleviča na płoščy i lalečnaja psichadelija ŭ Minsku — fotarepartaž Siarhieja Hudzilina
U miežach prajektu «Mastak i horad» 6 červienia ŭ Minsku na płoščy Jakuba Kołasa adkryłasia vystava repradukcyj Kazimira Maleviča.
U adkryćci ŭdzielničali fiestyval sučasnaha mastactva i avanhardnaj mody «Mamant» i biełaruskija tvorčyja kalektyvy.
Hałoŭnaja meta praviadzieńnia vystavy repradukcyj Kazimira Maleviča — paznajomić žycharoŭ i haściej Minska z pracami mastaka, papularyzavać jahonuju tvorčaść na jaho radzimie dla šyrokaj publiki, u jakoj niama mahčymaści ŭbačyć aryhinały rabot u rasijskich i zamiežnych muziejach. Repradukcyi buduć raźmiaščacca ŭ adkrytaj haradskoj prastory, prahlad repradukcyj budzie svabodny dla ŭsich, dastupnym jak dniom, tak i ŭnačy.
U ramkach prajekta «Mastak i horad. Kazimir Malevič» zapłanavany šerah mierapryjemstvaŭ, siarod jakich — arhanizacyja dziciačaha plenera ŭ Vierchnim horadzie, vystava sučasnych mastakoŭ «Malevič. Śviet formy», jakaja budzie prachodzić u Muziei sučasnaha vyjaŭlenčaha mastactva da 15 červienia, sieryja tvorčych dakładaŭ dy inš.
Kamientary