Z 17 červienia Nacyjanalny bank Biełarusi vypuskaje ŭ abaračeńnie novuju sieryju pamiatnych dvuchrublovych maniet, pryśviečanych historyi biełaruskaj čyhunki.
Sieryja maje nazvu «Historyja biełaruskaj čyhunki. Ciahniki» i ŭklučaje piać maniet z vyjavami roznych typaŭ čyhunačnaha ruchomaha sastavu: «Paravoz», «Ciepłavoz», «Elektravoz», «Dyziel-ciahnik» i «Elektraciahnik».
Naminał kožnaj maniety — 2 rubli. Jany vyrablenyja sa stali ź miedna-łatunnym pakryćciom (źniešniaje kolca) i miedna-nikielevym pakryćciom (siaredzina). Vaha — 5,81 h, dyjamietr — 23,5 mm.
Tyraž kožnaj maniety — 25 000 štuk.
Na kancie — nadpis «BIEŁARUŚ», hod vypusku (2025) i nacyjanalny arnamient.
Na aviersie — reljefny hierb Respubliki Biełaruś i nadpisy «BIEŁARUŚ» źvierchu i «2 RUBLI» źnizu, raździelenyja stylizavanym nacyjanalnym arnamientam.
Hetyja maniety źjaŭlajucca zakonnym płaciežnym srodkam i abaviazkovyja da pryjomu na terytoryi Biełarusi pa ich naminale. Hetaja sieryja moža zacikavić kalekcyjanieraŭ i amataraŭ historyi čyhunki.
«Pradali 1647 kupiur za 3 dni». Ažyjataž vakoł pamiatnaj banknoty Nacbanka nie ścichaje
Nacbank vypuskaje maniety 100 rubloŭ, pryśviečanyja 900-hodździu Połackaha Spasa-Jeŭfrasińjeŭskaha manastyra
Pamiatnyja maniety Nacbank ciapier budzie čakanić u Biełarusi
Biełaruskuju 20-rublovuju manietu pradajuć na aŭkcyjonie za 15 tysiač rubloŭ
Kamientary