Pratesty ŭ Stambule: mužčyna vosiem hadzin prastajaŭ nieruchoma — fotafakt
Palicyja zajaviła, što maŭklivych pratestaŭ razhaniać nie budzie, bo jany nie pieraškadžajuć hramadzianam.
Adzin z pratestoŭcaŭ u Stambule na praciahu vaśmi hadzin prastajaŭ moŭčki, hledziačy na partret zasnavalnika sučasnaj śvieckaj Turcyi Mustafy Kiemala Ataciurka.
Mastaka Erdema Hiunduza nazvali «mužčyna, jaki stajaŭ». Jaho pierformans sabraŭ sotni čałaviek, jakija dałučylisia da jaho na płoščy Taksim i prastajali tam.
Hiunduz źjaviŭsia na płoščy Taksim kala 18:00 hadzin pa miascovym časie ŭ paniadziełak i zastavaŭsia tam da druhoj hadziny nočy, kali palicyja pačała razhon.
«Ja ništo… Važnaja ideja…Čamu ludzi supraciviacca ŭradu. Urad nie choča zrazumieć, nie sprabuje zrazumieć, čamu ludzi vyjšli na vulicy. Heta sapraŭdny maŭklivy supraciŭ. Spadziajusia, što ludzi spyniacca i padumajuć: što adbyłosia?»
Jaho pratest chutka staŭ papularnym siarod pratestoŭcaŭ. Chešteh «duranadam» («mužčyna, jaki stajaŭ») vyjšaŭ u lidary ŭ tureckim siehmiencie Twitter u aŭtorak ranicaj.
Pratest Hiunduza rezka kantrastuje z žorstkimi sutyknieńniami apošnich tydniaŭ, u jakich kala 5000 čałaviek byli paranienyja i prynamsi čaćviora zahinuli.
Na nastupny dzień ministr unutranych spravaŭ paabiacaŭ što nie budzie razhaniać takich maŭklivych pratestaŭ, bo «jany nie pieraškadžajuć hramadzianam».
Kamientary