Klijenty Biełarusbanka zmohuć zdymać z płaciežnych kartak tolki peŭnuju sumu za dzień. Rašeńnie ŭstupić u siłu z 4 žniŭnia.
Heta adno z abmiežavańniaŭ, jakija Biełarusbank uvodzić, kab palepšyć abaronu trymalnikaŭ kartak ad dziejańniaŭ machlaroŭ, piša Tochka.by.
U banku ličać, što ŭstanaŭleńnie limitaŭ na źniaćcie hrošaj dapamoža pieraškodzić machlaram ździajśniać kradziažy sa rachunkaŭ, daviedvajučysia ŭ klijentaŭ infarmacyju dla rehistracyi ich kartak u mabilnych płaciežnych dadatkach.
Abmiežavańni buduć dziejničać pry źniaćci hrošaj z vykarystańniem ličbavych rekvizitaŭ kartak Biełarusbanka (tokienaŭ, zhienieravanych u mabilnych płaciežnych servisach) u bankamatach i punktach vydačy najaŭnych.
Tak, ciaham adnaho dnia možna budzie atrymać nie bolš za 600 rubloŭ z kartak «Aksamit» i nie bolš za 3000 rubloŭ ź inšych kartak banka.
U Biełarusbanku paviedamili, što čałaviek zmoža admianić limit pa kartcy, kali pažadaje.
Dla hetaha jamu dastatkova patelefanavać u kantakt-centr pa numary 147.
-
«Novych piatrušak vypuścili, chutka paśmiajomsia». Boty jak pa mietadyčcy kamientujuć vyzvaleńnie palitviaźniaŭ
-
Bialacki pra pieršy dzień na voli: Psichałahična ja dzieści jašče tam, ale situacyja dla mianie nie novaja
-
Jaŭhien Bułka: Siońnia taki dzień, kali kožny biełarus maje prava na čyrvonuju pamadu
Kamientary
[Zredahavana]