Pasoł Biełarusi ŭ Francyi i Ispanii pa sumiaščalnictvie Pavieł Łatuška ŭručyŭ 20 červienia ŭ Madrydzie kopii davierčych hramat dyrektaru pratakoła MZS Ispanii Chasie Maryi Radryhiesu Kosa.
Jak paviedamlaje pres-słužba pasolstva Biełarusi ŭ Francyi, padčas cyrymonii Łatuška zaznačyŭ, što ŭ jakaści asnoŭnaha pryjarytetu ŭ svajoj dypłamatyčnaj dziejnaści bačyć raźvićcio supracoŭnictva ŭ śfiery ekanomiki pamiž Biełaruśsiu i Ispanijaj. Jon padkreśliŭ, što ŭ jakaści pasła maje namier taksama sadziejničać raźvićciu kanstruktyŭnaha i ŭzajemavyhadnaha supracoŭnictva pamiž Biełaruśsiu i Ispanijaj u śfiery kultury, navuki, adukacyi, turyzmu i inšych halinach, jakija ŭjaŭlajuć uzajemnuju cikavaść.
Padčas znachodžańnia ŭ Madrydzie Łatuška praviadzie sustrečy z kiraŭnictvam MZS Ispanii, prezidentam Handlova-ekanamičnaj pałaty Ispanii, prezidentam Kanfiederacyi ispanskich pradpryjemstvaŭ. Płanujucca sustrečy z kiraŭnictvam šerahu ispanskich kampanij.
