Raśsielhasnahlad apaviaściŭ departamient vieterynarnaha i charčovaha nahladu Ministerstva sielskaj haspadarki i charčavańnia Biełarusi pra toje, što ŭ suviazi z uspyškaj afrykanskaj čumy śviniej u Viciebskaj vobłaści ŭvodziacca časovyja abmiežavańni na ŭvoz z terytoryi hetaj vobłaści ŭ Rasiju śviniej, śpiermy knyroŭ, śvininy i syrych śvinych miasapraduktaŭ, vyrabaŭ sa śvininy i karmoŭ dla śviniej. Pra heta havorycca ŭ paviedamleńni rasijskaha viedamstva.
Akramia taho, pavinna być prypyniena siertyfikacyja pradukcyi sa śvininy, vyrablenaj z vykarystańniem miasnoj syraviny ź Viciebskaj vobłaści.
Jak paviedamlałasia raniej, u filijale «Łučosa» AAT «Viciebski kambinat chlebapraduktaŭ» vyjaŭleny hienietyčny materyjał uzbudžalnika afrykanskaj čumy śviniej (AČS). Uzbudžalnik vyjaŭleny 2 lipienia Biełaruskim dziaržaŭnym vieterynarnym centram u patałahičnym materyjale, adabranym ad piaci trupaŭ śviniej, jakija naležać filijału «Łučosa». 3 lipienia dyjahnaz byŭ paćvierdžany ŭ Dziaržaŭnaj navukovaj ustanovie «Usierasijski
«Dziaržaŭnaj vieterynarnaj słužbaj Respubliki Biełaruś pravodzicca kompleks mierapryjemstvaŭ pa likvidacyi ačahu i niedapuščeńni raspaŭsiudžvańnia zachvorvańnia», — havaryłasia ŭ paviedamleńni departamienta vieterynarnaha i charčovaha nahladu Minsielhascharča.
Nahadajem, uspyška zachvorvańnia AČS była zarehistravanaja ŭ kancy červienia ŭ Iŭjeŭskim rajonie Hrodzienskaj vobłaści.
2 lipienia Minsielhascharč paviedamiŭ ab prypynieńni «ekspartu svojskich i dzikich śviniej, miasa i praduktaŭ zarezu ad ich, usich vidaŭ charčovych praduktaŭ, atrymanych ad takich žyvioł», z terytoryi Viciebskaj vobłaści ŭ suviazi z «pavyšanym zachvorvańniem pahałoŭja śviniej u filijale «Łučosa» AAT «Viciebski kambinat chlebapraduktaŭ» i nieabchodnaściu ŭdakładnieńnia dyjahnazu.
Časovuju zabaronu na ŭvoz śviniej i śvininy ź Biełarusi ŭviali Rasija, Ukraina, Polšča, Litva i Łatvija. Kiraŭnik litoŭskajvieterynarna-charčovaj słužby Jonas Milus nazvaŭ situacyju z raspaŭsiudžvańniem AČS u Biełarusi «praktyčna niekiravanaj».
