Рассельгаснагляд апавясціў дэпартамент ветэрынарнага і харчовага нагляду Міністэрства сельскай гаспадаркі і харчавання Беларусі пра тое, што ў сувязі з успышкай афрыканскай чумы свіней у Віцебскай вобласці ўводзяцца часовыя абмежаванні на ўвоз з тэрыторыі гэтай вобласці ў Расію свіней, спермы кныроў, свініны і сырых свіных мясапрадуктаў, вырабаў са свініны і кармоў для свіней. Пра гэта гаворыцца ў паведамленні расійскага ведамства.
Акрамя таго, павінна быць прыпынена сертыфікацыя прадукцыі са свініны, вырабленай з выкарыстаннем мясной сыравіны з Віцебскай вобласці.
Як паведамлялася раней, у філіяле «Лучоса» ААТ «Віцебскі камбінат хлебапрадуктаў» выяўлены генетычны матэрыял узбуджальніка афрыканскай чумы свіней (АЧС). Узбуджальнік выяўлены 2 ліпеня Беларускім дзяржаўным ветэрынарным цэнтрам у паталагічным матэрыяле, адабраным ад пяці трупаў свіней, якія належаць філіялу «Лучоса». 3 ліпеня дыягназ быў пацверджаны ў Дзяржаўнай навуковай установе «Усерасійскі
«Дзяржаўнай ветэрынарнай службай Рэспублікі Беларусь праводзіцца комплекс мерапрыемстваў па ліквідацыі ачагу і недапушчэнні распаўсюджвання захворвання», — гаварылася ў паведамленні дэпартамента ветэрынарнага і харчовага нагляду Мінсельгасхарча.
Нагадаем, успышка захворвання АЧС была зарэгістраваная ў канцы чэрвеня ў Іўеўскім раёне Гродзенскай вобласці.
2 ліпеня Мінсельгасхарч паведаміў аб прыпыненні «экспарту свойскіх і дзікіх свіней, мяса і прадуктаў зарэзу ад іх, усіх відаў харчовых прадуктаў, атрыманых ад такіх жывёл», з тэрыторыі Віцебскай вобласці ў сувязі з «павышаным захворваннем пагалоўя свіней у філіяле «Лучоса» ААТ «Віцебскі камбінат хлебапрадуктаў» і неабходнасцю ўдакладнення дыягназу.
Часовую забарону на ўвоз свіней і свініны з Беларусі ўвялі Расія, Украіна, Польшча, Літва і Латвія. Кіраўнік літоўскайветэрынарна-харчовай службы Ёнас Мілюс назваў сітуацыю з распаўсюджваннем АЧС у Беларусі «практычна некіраванай».
-
«Мая праца згарэла». Беларускія бізнэсы страцілі тавар на складах Wildberries, але маюць больш шанцаў на кампенсацыю, чым расіяне
-
20 літраў у бак і ніякіх каністраў? Ці сапраўды на беларускіх запраўках на мяжы з Расіяй увялі ліміты на бензін
-
Кітайскі стартап выпусціў ШІ-мадэль, якая абышла амерыканскія аналагі
Каментары