U biblijatecy časopisa «PrajdziŚviet» «PostScriptum», a taksama ŭ biblijatecy Sajuza biełaruskich piśmieńnikaŭ «Kniharnia piśmieńnika» vyjšaŭ zbornik detektyŭnaha apaviadańnia «Złačynstva, ser!» (vydaviectva «Knihazbor»).
Kniha składajecca ź dźviuch častak: pieršaja, adnajmiennaja, źmiaščaje kłasičnyja i sučasnyja detektyŭnyja apaviadańni, druhaja, pad nazvaj «Biasčynstva, ser!», — parodyi na detektyŭny žanr. U dadatku pradstaŭlenyja dva recepty napisańnia dobrych detektyŭnych tvoraŭ.
Kancepcyja zbornika «Złačynstva, ser!» hruntujecca na mierkavańni, što detektyŭnaje apaviadańnie — nieabaviazkova žanr masavaj litaratury.Dla zbornika abiralisia tvory, jakija pakazvajuć detektyŭ z roznych bakoŭ, demanstrujuć roznyja epochi i aŭtarskija styli i abjadnoŭvajucca nietryvijalnaściu padychodu da prachadnoha, zdavałasia b, žanru. U knizie možna znajści i tak zvany protadetektyŭ — apaviadańnie E.
Raździeł «Biasčynstva, ser!» źmiaščaje viadomyja kłasičnyja parodyi na historyi pra Šerłaka Chołmsa, napisanyja B. Hartam, R. Staŭtam, Ž. Žyradu i A. Avierčankam, a taksama vialikuju apovieść słavackaj piśmieńnicy Danieły Kapitaniavaj «Zabojstva ŭ Žłuktavie» (pierakład Siarhieja Smatryčenki), u jakoj aŭtarka prymušaje samych znakamitych detektyvaŭ usich časoŭ i narodaŭ (siarod jakich — nie tolki zhadany ŭžo Šerłak Chołms, Erkiul Puaro, mis Marpł, Nera Vułf, kamisar Miehre, ale i hieroj novaha času kamisar Kałomba i navat ahienty FBR Małder i Skali) rasśledavać zahadkavaje zabojstva ŭ maleńkim słavackim miastečku Žłuktaŭ.
Knihu ŭžo možna nabyć u šerahu kniharniaŭ Minska.
-
«Emihracyja — heta repietycyja śmierci»
-
Ad vieršaŭ dla samych maleńkich pierad snom da «biełaruskaj manhi» dla padletkaŭ. Što čytać dzieciam na rodnaj movie
-
«Viaduć nieludzimy ład žyćcia, razmaŭlajuć pa-biełarusku». Uładzimir Arłoŭ raskazaŭ pra novuju knihu i zhadaŭ, jak susiedzi pisali na jaho danosy
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak2
Kamientary