Zabojca z Krasnajarska vyjšaŭ z kałonii, zhvałciŭ rodnuju maci i zamiest suda pojdzie na vajnu suprać Ukrainy
Žychar Krasnajarska Kanstancin A. tolki adsiedzieŭ amal 14 hadoŭ za zabojstva i zhvałtavańnie i adrazu paśla vyzvaleńnia zhvałtavaŭ ułasnuju 64‑hadovuju maci. Mužčynu ŭdasca paźbiehnuć adkaznaści za novaje złačynstva — zamiest viartańnia za kraty jon padpisaŭ kantrakt ź Minabarony RF i pajedzie na vajnu.
Pavodle źviestak ASTRA, 29 studzienia ŭ Krasnajarsku zatrymali raniej sudzimaha Kanstancina A. (poŭnyja źviestki nie raskryvajucca ŭ metach biaśpieki achviary złačynstva).
Mužčynu padazrajuć u tym, što jon zhvałciŭ svaju 64‑hadovuju maci. U hety ž dzień, jak vyśvietliła ASTRA, piensijanierka trapiła ŭ balnicu z traŭmami paśla napadu i ździekaŭ syna.
Paśla zatrymańnia siłaviki prapanavali Kanstancinu padpisać kantrakt i pajści na vajnu va Ukrainu, kab paźbiehnuć pakarańnia. Mužčyna ŭžo daŭ zhodu i napisaŭ pra heta raśpisku, paviedamili krynicy ASTRA.
Kanstancin tolki niadaŭna vyzvaliŭsia z kałonii — miarkujučy pa źlitych u sietku bazach danych, jakija vyvučyła ASTRA, mužčyna 20 krasavika 2012 hoda zhvałtavaŭ i zabiŭ žančynu, za što byŭ asudžany na 13 hadoŭ i 8 miesiacaŭ.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary
Zeki, narkamany, ałkašy, alimienščyki...maralnyja vyradki