Na 1 lipienia 2013 hoda ŭ sudavodstvie haspadarčych sudoŭ Biełarusi znachodziłasia 1.704 spravy ab ekanamičnaj niepłaciežazdolnaści (bankructvie). Ź ich spraŭ ab ekanamičnaj niepłaciežazdolnaści arhanizacyj pryvatnaj formy ŭłasnaści — 1.668, heta 97,9% ad ahulnaj kolkaści spraŭ hetaj katehoryi, paviedamili ŭ Vyšejšym haspadarčym sudzie.
U sudavodstvie haspadarčaha suda Minska znachodziacca 51% (870 spraŭ) ad ahulnaj kolkaści spraŭ ab ekanamičnaj niepłaciežazdolnaści (bankructvie). Hety pracent u bolšaści svajoj taksama farmirujecca za košt spraŭ u dačynieńni da arhanizacyj pryvatnaj formy ŭłasnaści, zaznačyli ŭ VHS.
Na 1 lipienia hetaha hoda ŭ sudavodstvie haspadarčych sudoŭ było 376 spraŭ ab ekanamičnaj niepłaciežazdolnaści (bankructvie) arhanizacyj, jakija majuć značeńnie dla ekanomiki i sacyjalnaj śfiery krainy. Da ich adnosiacca dziaržaŭnyja arhanizacyi, arhanizacyi, jakija majuć dolu dziaržaŭnaj ułasnaści ŭ statutnym fondzie, horadaŭtvaralnyja i pryraŭnavanyja da ich arhanizacyi, biudžetaŭtvaralnyja, sistemaŭtvaralnyja arhanizacyi.
Kolkaść spraŭ, pa jakich pryniata rašeńnie ab bankructvie ź likvidacyjaj, bolšaja za kolkaść spraŭ, pa jakich vyniesiena rašeńnie ab ekanamičnaj niepłaciežazdolnaści z sanacyjaj, u 2,2 razu.
U červieni rašeńniem haspadarčaha suda Bresckaj vobłaści adkrytaje akcyjaniernaje tavarystva «Baranavicki kambinat charčovych praduktaŭ» pryznana ekanamična niepłaciežazdolnym, uviedziena pracedura sanacyi na 18 miesiacaŭ — da 3 śniežnia 2014 hoda.
Taksama ŭ červieni haspadarčym sudom Homielskaj vobłaści była zavieršana likvidacyjnaja vytvorčaść u dačynieńni da respublikanskaha ŭnitarnaha pradpryjemstva «Rečycki kambinat budaŭničych materyjałaŭ» i pradpryjemstva «Mazyrski