Kab zrazumieć dušu rasijskaha biźniesmiena, ź im treba vyjści na palavańnie, i vypić šmat harełki.
Tak ličać zachodnija ŚMI, jakija spasyłajucca na videarolik, jaki pakazvaje adzin dzień z žyćcia ruskaha miljardera Siarhieja Vieramiejenki. Biźniesmien pravioŭ dzień u kampanii supracoŭnika moładzievaha časopisa Vice u svaim zaharadnym domie, paznajomiŭ jaho z žonkaj-madellu i paskardziŭsia, što ŭ Rasii nie kožny moža žyć na šyrokuju nahu.
Videa, jakoje znachodzicca na YouTube, nazyvajecca «Adzin dzień z žyćcia aliharcha». Da ciapierašniaha momantu jano sabrała bolš za 2 młn prahladaŭ.
«Žurnalisty Vice znajšli lepšy sposab pa-sapraŭdnamu zrazumieć ruskaha aliharcha - dla hetaha ź im treba jeść, palavać i pić šmat harełki», - havorycca ŭ artykule. U roliku taksama pakazanaja žonka biźniesmiena, mis śvietu - 2006 Safija Ščacinina. U haściach u miljardera žurnalist paśpieŭ paparycca ŭ łaźni i pastralać u žyvioł. Taksama Vieramiejenka pakazaŭ žurnalistu svaju bahatuju kalekcyju abrazoŭ.
Pad kaniec nasyčanaha dnia Vieramiejenka vypiŭ z hościem harełki i pryznaŭsia, što jamu vielmi škada, što nie ŭsio ŭ Rasii žyvuć tak bahata.Adkazvajučy na pytańnie žurnalista pra toje, jak by jon apisaŭ biahučaje ekanamičnaje stanovišča krainy, Vieramiejenka adkazaŭ: «Rasija pastupova nabližajecca da Zachadu, cyvilizacyi. Rynak vyraŭnoŭvajecca, užo niama šalonych hrošaj, usio idzie tudy, kudy pavinna iści».
Taksama Vieramiejenka kaža žurnalistu z ZŠA, što płacić padatki - zvyčka amierykancaŭ, u Rasii hetaha nichto nie robić.
Bahaćcie Vieramiejenki, pa acency Forbes, dasiahała ŭ 2008 hodzie $1,4 młrd. Jon byŭ partnioram apalnaha bankira i zasnavalnika Mižprambanka - Siarhieja Puhačova. Ciapier Vieramiejenka źjaŭlajecca deputatam ćviarskoha Zakanadaŭčaha schodu, kiruje vuhalnaj i mietałurhičnaj kampanijaj, a taksama aktyŭna raźvivaje ŭ Rasii kumysnuju koniehadoŭlu.
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads7
Kamientary