Udzielniki Miłavidskaha festu 2 červienia ŭskłali kvietki da pomnikaŭ u honar paŭstancaŭ 1863 hoda.
Viktar Syryca – źleva ŭ stroi.
Staršy lejtenant Baranavickaha RAUS Dzianis Majsienia 17 lipienia skłaŭ treci administracyjny pratakoł na hramadskaha aktyvista Viktara Syrycu. Jon abvinavačvajecca ŭ padrychtoŭcy i praviadzieńni niesankcyjavanaha mierapryjemstva ŭ pamiać paŭstancaŭ 1863 hoda, piša «Salidarnaść».
Da hetaha staršynia Baranavickaha haradskoha suda Mikałaj Kmita dvojčy adpraŭlaŭ pratakoły, składzienyja na Syrycu, nazad u milicyju dla vypraŭleńnia niedachopaŭ.
— Heta ŭžo treci pratakoł, jaki skłali na mianie ŭ Baranavickim RAUS. Spačatku mianie abvinavacili ŭ ździajśnieńni administracyjnaha pravaparušeńnia, praduhledžanaha č. 2 art. 23.34 KaAP RB — arhanizacyja i praviadzieńnie 2 červienia niesankcyjanavanaha mierapryjemstva. U druhim pratakole mianie abvinavačvali jašče i ŭ tym, što ja byccam by parušyŭ art. 12 Zakona «Ab masavych mierapryjemstvach u RB»: nie spyniŭ padrychtoŭku i pravioŭ masavaje mierapryjemstva 2 červienia, jakoje było zabaroniena Baranavickim rajvykankamam, — paviedamiŭ Viktar Syryca.
U trecim pratakole ŭžo nie śćviardžajecca, što aktyvist parušyŭ artykuł 12 Zakona «Ab masavych mierapryjemstvach u RB», ale jon ciapier abvinavačvajecca ŭžo ŭ parušeńni artykuła 5 hetaha ž Zakona — arhanizacyja i praviadzieńnie zabaronienaha
— Składzienyja pratakoły — heta faktyčna vajna varvarstva suprać biełaruskaj historyi i kultury. Mała taho što miascovyja čynoŭniki sami ničoha nie zrabili, kab hodna ŭšanavać słaŭnuju datu, tak jašče 3 i 20 maja Baranavicki rajvykankam dvojčy niezakonna zabaraniŭ praviadzieńnie našaha festu ŭ honar kasinieraŭ Kastusia Kalinoŭskaha. Liču, što nie my parušyli zakon, a Baranavicki rajvykankam nie vykonvaje artykuł 51 Kanstytucyi Biełarusi i nie daje nam prava na ŭdzieł u kulturnym žyćci, — dadaŭ Viktar Syryca.
Aktyvist padpisaŭ treci pratakoł, ale paznačyŭ u im, što pryjechaŭ ź siabrami ŭ Miłavidy 2 červienia nie pravodzić, a tolki ŭdzielničać u aficyjnym mierapryjemstvie.
