Mahiloŭski harvykankam admoviŭ miascovym pravaabaroncam u praviadzieńni pikieta z patrabavańniem vyzvalić Alesia Bialackaha i inšych palitviaźniaŭ.
Nahadajem, 19 lipienia mahiloŭskija pravaabaroncy Barys Buchiel i Alaksiej Kołčyn padali ŭ harvykankam zajaŭku na praviadzieńnie 4 žniŭnia pikieta z patrabavańniem vyzvalić Bialackaha i inšych palitviaźniaŭ u centry horada pa vulicy Pieršamajskaj kala doma № 31, nazvanaha «Kitajskaj ścianoj».
Jak havorycca ŭ adkazie za podpisam kiraŭnika spravami Mahiloŭskaha harvykankama Ihara Aŭsiejenki, pavodle rašeńnia haradskich uład, miescam praviadzieńnia pikietaŭ, mitynhaŭ i schodaŭ, arhanizatarami jakich vystupajuć palityčnyja partyi, hramadskija abjadnańni, prafsajuznyja arhanizacyi, hramadzianie, vyznačana placoŭka kala doma № 64v pa vulicy Čaluskincaŭ, jakaja znachodzicca ŭ addaleńni ad ludskich patokaŭ.
Pakolki pravaabaroncy ŭkazali inšaje miesca akcyi, «dazvolić praviadzieńnie pikieta 4 žniŭnia nie ŭjaŭlajecca mahčymym».
«Ličym, što admova niezakonnaja i parušaje našy pravy. Budziem abskardžvać jaho, a taksama rašeńnie harvykankama, na jakoje jany spasyłajucca, u sudzie, a zatym u Kamitecie AAN pa pravach čałavieka», — zajaviŭ Barys Buchiel.
Jak raniej paviedamlałasia, u krasaviku načalnik adździeła ideałahičnaj pracy Mahiloŭskaha harvykankama Ała Hałuška zajaviła BiełaPAN, što ŭ centry horada ŭsie mierapryjemstvy pravodziacca tolki pad ehidaj harvykankama.
Ciapier čytajuć
U Rečycy ludzi vyjšli prybirać śnieh. Ich aštrafavali8
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary