Z admysłovaj zajavaj z nahody čarhovaj hadaviny aryštu pravaabaroncy vystupiła pradstaŭnica Dziarždepartamienta Mary Charf.
4 žniŭnia spaŭniajecca druhaja hadavina aryštu kiraŭnika viadučaj biełaruskaj pravaabarončaj arhanizacyi «Viasna» Alesia Bialackaha, jaki zajmaŭsia pravavoj i praktyčnaj padtrymkaj achviar palityčnych represij i ich siemjaŭ, fiksavaŭ parušeńni pravoŭ čałavieka ŭ Biełarusi. Mienavita za heta ciapier jon adbyvaje 4,5 hoda turemnaha źniavoleńnia.
«My šanujem namahańni Bialackaha pa abaronie słabych i padtrymku samych vysokich standartaŭ u halinie pravoŭ čałavieka, niahledziačy na pieraśled biełaruskich uładaŭ.
My znoŭ zaklikajem urad Biełarusi nieadkładna vyzvalić Bialackaha i ŭsich palityčnych viaźniaŭ i adnavić ich hramadzianskija i palityčnyja pravy. My ź nieciarplivaściu čakajem dnia, kali bolšaja pavaha da demakratyi i pravoŭ čałavieka ŭ Biełarusi dazvolić nam palepšyć dvuchbakovyja adnosiny», — havorycca ŭ zajavie.
U 2011 hodzie Dziarždepartament ZŠA prysudziŭ Alesiu Bialackamu svaju štohadovuju premiju ŭ halinie pravoŭ čałavieka.
Kamientary