Nabyła moc pastanova Minskaha abłasnoha suda pa kryminalnaj spravie ŭ dačynieńni da 44-hadovaha žychara Žodzina, jaki ŭ noč na 27 studzienia 2013 hoda, znachodziačysia ŭ stanie ałkaholnaha apjanieńnia, u svajoj kvatery zabiŭ dvuchhadovaha ŭnuka.Pra heta paviedamiła prakuror adździeła prakuratury Minskaj vobłaści Iryna Škret.
Mužčyna nanios chłopčyku nie mieniej jak 46 udaraŭ klinkom kuchonnaha naža-siakierki ŭ vobłaść žyćciova važnych orhanaŭ. Ad atrymanych cialesnych paškodžańniaŭ dzicia pamierła na miescy.
Zhodna z zaklučeńniem stacyjanarnaj kompleksnaj psichołaha-psichijatryčnaj ekśpiertyzy ŭ abvinavačvanaha jość sindrom zaležnaści ad ałkaholu. U pieryjad učynieńnia złačynstva jon pakutavaŭ časovym rasstrojstvam psichiki ŭ formie vostraj ałkaholnaj intaksikacyi sa skažeńniem usprymańnia, heta značyć byŭ poŭnaściu biez pamiaci.
Rašeńniem Minskaha abłasnoha suda zabojcu pryznačana prymusovaja miera biaśpieki i lačeńnia ŭ vyhladzie prymusovaha lačeńnia ŭ psichijatryčnym stacyjanary z uzmocnienym nazirańniem.
0
0
0
0
0
0
