Набыла моц пастанова Мінскага абласнога суда па крымінальнай справе ў дачыненні да 44-гадовага жыхара Жодзіна, які ў ноч на 27 студзеня 2013 года, знаходзячыся ў стане алкагольнага ап'янення, у сваёй кватэры забіў двухгадовага ўнука.Пра гэта паведаміла пракурор аддзела пракуратуры Мінскай вобласці Ірына Шкрэт.
Мужчына нанёс хлопчыку не меней як 46 удараў клінком кухоннага нажа-сякеркі ў вобласць жыццёва важных органаў. Ад атрыманых цялесных пашкоджанняў дзіця памерла на месцы.
Згодна з заключэннем стацыянарнай комплекснай псіхолага-псіхіятрычнай экспертызы ў абвінавачванага ёсць сіндром залежнасці ад алкаголю. У перыяд учынення злачынства ён пакутаваў часовым расстройствам псіхікі ў форме вострай алкагольнай інтаксікацыі са скажэннем успрымання, гэта значыць быў поўнасцю без памяці.
Рашэннем Мінскага абласнога суда забойцу прызначана прымусовая мера бяспекі і лячэння ў выглядзе прымусовага лячэння ў псіхіятрычным стацыянары з узмоцненым назіраннем.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары