Halina Hryškaviec.
Jak paviedamiła pravaabaronca-viasnoŭka Taćciana Raviaka, adna z zatrymanych KDB miniustaŭskich chabarnic — načalnica ŭpraŭleńnia advakatury i licenzavańnia jurydyčnaj dziejnaści Halina Hryškaviec, druhaja — jaje namieśnica Natalla Bierazoŭskaja.
Taćciana Raviaka paviedamiła: «Hetaja jakraz tyja asoby, jakija zabirali licenzii advakataŭ pa spravach paśla Płoščy-2010.
Siońnia KDB paviedamiŭ pra aryšt pry atrymańni chabaru ŭ pamiery 1000 dalaraŭ ZŠA z dokazami złačynstva načalnicy ŭpraŭleńnia Ministerstva justycyi i jaje namieśnika.
U chodzie papiaredniaha rasśledavańnia ŭstanoŭlena, što słužbovyja asoby Minjusta nie raz atrymlivali niezakonnyja hrašovyja ŭznaharody za spryjalnaje vyrašeńnie pytańniaŭ, jakija ŭvachodziać u ich kampietencyju i źviazanyja ź ich prafiesijnaj dziejnaściu.
U dačynieńni da karumpavanych čynoŭnikaŭ KDB zavioŭ kryminalnuju spravu za atrymańnie chabaru hrupaj asobaŭ. Zatrymanych źmiaścili ŭ SIZA KDB.
Pres-sakratarka Miniusta Ludmiła Mazan paćvierdziła, što zatrymanyja KDB mienavita načalnica ŭpraŭleńnia advakatury i licenzavańnia jurydyčnaj dziejnaści Halina Hryškaviec i jaje namieśnica — Natalla Bierazoŭskaja.
