Затрыманая за хабар чыноўніца Мінюста пазбаўляла адвакатаў ліцэнзій за палітыку
Як паведаміла праваабаронца-вясноўка Таццяна Равяка, адна з затрыманых КДБ мінюстаўскіх хабарніц — начальніца ўпраўлення адвакатуры і ліцэнзавання юрыдычнай дзейнасці Галіна Грышкавец, другая — яе намесніца Наталля Беразоўская.
Таццяна Равяка паведаміла: «Гэтая якраз тыя асобы, якія забіралі ліцэнзіі адвакатаў па справах пасля Плошчы-2010.
Сёння КДБ паведаміў пра арышт пры атрыманні хабару ў памеры 1000 даляраў ЗША з доказамі злачынства начальніцы ўпраўлення Міністэрства юстыцыі і яе намесніка.
У ходзе папярэдняга расследавання ўстаноўлена, што службовыя асобы Мін’юста не раз атрымлівалі незаконныя грашовыя ўзнагароды за спрыяльнае вырашэнне пытанняў, якія ўваходзяць у іх кампетэнцыю і звязаныя з іх прафесійнай дзейнасцю.
У дачыненні да карумпаваных чыноўнікаў КДБ завёў крымінальную справу за атрыманне хабару групай асобаў. Затрыманых змясцілі ў СІЗА КДБ.
Прэс-сакратарка Мінюста Людміла Мазан пацвердзіла, што затрыманыя КДБ менавіта начальніца ўпраўлення адвакатуры і ліцэнзавання юрыдычнай дзейнасці Галіна Грышкавец і яе намесніца — Наталля Беразоўская.
Цяпер чытаюць
Малодшы сын Сахашчыка абвешчаны зніклым без вестак. Выглядае, ён ваяваў за Расію99
Малодшы сын Сахашчыка абвешчаны зніклым без вестак. Выглядае, ён ваяваў за Расію
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы55
Каментары