Minski katalicki kaledž budzie biełaruskamoŭnym
7 vieraśnia ŭ kaściole śviatych Symona i Aleny ŭ Miensku adbyłasia ŭračystaść, z nahody pačatku navučalnaha hodu ŭ Mienskim tealahičnym kaledžy. Navučańnie tam budzie vieścisia
Heta novaja navučalnaja ŭstanova ŭ katalickim kaściole, jakaja budzie zajmacca padrychtoŭkaj vykładčykaŭ relihii i inšych specyjalistaŭ. Pieršy dzień novaha navučalnaha hodu raspačaŭsia ŭračystaj malitvaj z udziełam
Arcybiskup Tadevuš Kandrusievič, jaki ŭznačaliŭ śviatočnuju imšu, paviedamiŭ karespandentu Svabody:«Dahetul ŭ nas byŭ centar padrychtoŭki katechizataraŭ. Kaledž maje šyrejšyja mety pierad saboju: katechizacyjnaj pracaj dziejnaść kaścioła nie abmiažoŭvajecca. My taksama viedajem, što ŭsio bolšuju ŭvahu śviet źviartaje na medyi, jany majuć usio bolšuju rolu ŭ žyćci sučasnaha hramadztva, u tym liku i kaścioła.
Tamu patrebnyja katalickija specyjalisty, a taksama mohuć atrymlivać adpaviednyja viedy i śvieckija žurnalisty, jakija pracujuć u śvieckich ŚMI. Taksama nieabchodna sacyjalnaje navučańnie. My bačym kolki prablemaŭ u śviecie, u kožnym hramadztvie, u tym liku i ŭ našym. Dalej — siamja, spravy dabračynnaści i hetak dalej.
Ja spadziajusia, što tyja admysłoŭcy, jakija vyjduć z našaha kaledžu — jany najpierš buduć dapamahać pry kaścielnych strukturach, ale taksama jany pavinny być u hramadztvie». Tadevuš Kandrusievič spadziajecca, što dziaržaŭnaja rehistracyja Mienskaha tealahičnaha kaledžu paspryjaje adkryćciu ŭ Biełarusi vyšejšaj duchoŭnaj navučalnaj ustanovy.
Kamientary