Na studentaŭ BNTU zaviali 26 kryminalnych spraŭ za padrobku dakumientaŭ
U prakuraturu dla nakiravańnia ŭ sud pieradadzienyja 26 kryminalnych spraŭ, zaviedzienych suprać studentaŭ BNTU za padrobku dakumientaŭ u pieršym kvartale hetaha hoda.
Praz sacyjalnuju sietku «Vkontaktie» abo pa telefonie studenty davali svaje źviestki nieviadomamu hramadzianinu, jaki za hrošy padrablaŭ dla ich daviedku ab časovaj niepracazdolnaści z rekvizitami 33-j studenckaj palikliniki. Studenty pradjaŭlali ich u dekanaty ŭ jakaści apraŭdańnia propusku zaniatkaŭ, niajaŭki na zaliki i ispyty.
Raniej, da ŭstupleńnia ŭ siłu Kodeksa ab adukacyi, studenta paprostu mahli adličyć z VNU za pradastaŭleńnie dakumientaŭ z zaviedama niedakładnymi źviestkami. Ciapier ža takaja miera pakarańnia praduhledžana tolki ŭ vypadkach adsutnaści vučnia na zaniatkach bolš za 30 dzion biez uvažlivaj pryčyny abo nienaležnaha vykanańnia im abaviazkaŭ (pry ŭmovie, što da jaho raniej užo ŭžyvalisia miery dyscyplinarnaha spahnańnia).
Adnak za svaje vychadki studentam ŭsio ž pryjdziecca adkazać.
Pavodle Kryminalnaha kodeksa, maksimalna im moža pahražać da 2 hadoŭ abmiežavańnia voli, a tyja, chto niekalki razoŭ karystaŭsia padroblenymi dakumientami, i zusim mohuć pravieści da 3 hadoŭ u turmie.
Adzin z 26 prahulščykaŭ — niepaŭnahadovy. Usie jany vučacca na 9 roznych fakultetach. Šaściarych, praŭda, užo adličyli za akademičnuju zapazyčanaść, a adzin skončyŭ navučańnie.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary