Ad 9 da 13 kastryčnika ŭ niamieckim Frankfurcie-na-Majnie adbudziecca samy vialiki knižny kirmaš u śviecie. Upieršyniu na im budzie i biełaruski stend.
Prajekt Books From Belarus prapanuje jeŭrapiejskamu knižnamu rynku vybarku z 8 knih 8 biełaruskich aŭtaraŭ. Hetakaja esencyja sučasnaha ajčynnaha litpracesu, padadzienaja ŭ minimalistyčnaj formie – kab u patencyjnaha zamiežnaha vydaŭca abudziłasia cikavaść i nie raźbiehlisia vočy.
BOOKS FROM BELARUS – inicyjatyva niezaležnych biełaruskich vydaviectvaŭ pry arhanizacyjnyj padtrymcy Swedish Institute, jaki viadomy nie tolki pramoŭšnam šviedskaj kultury za miažoj, ale i suportam kulturnych inicyjatyvaŭ ź inšych krain.
Narešcie ŭśviadomiŭšy, što «kali my razam, nas nie złamać nikomu», biełaruskija vydaŭcy sabralisia, kab vybrać z usiaho biaźmiežža sučasnaj ajčynnaj litaratury śpis ź imionaŭ i nazvaŭ, jakija mahli b zacikavić čytačoŭ, a pierš za ŭsio – vydaŭcoŭ i pierakładčykaŭ ź inšych krainaŭ. U vyniku byŭ sfarmavany šort-list z 8 aŭtaraŭ (pa knizie ź piśmieńnika), jakija ŭvajšli ŭ katałoh.
