«Našy śpiecyjalisty nie ŭdzielničajuć u vučeńniach. Jany datyčacca MNS i MUS», — paviedamili ŭ Centry infarmacyi i hramadskich suviaziaŭ Kamiteta dziaržbiaśpieki.
Nahadajem, što ŭ paniadziełak, 23 vieraśnia, niezrazumiełaja situacyja ŭ mietro ledźvie nie vyklikała paniku ŭ Minsku.
Stancyja «Płošča Jakuba Kołasa» była zakrytaja prykładna kala hadziny, jašče na niekalkich dziažuryli ŭzmocnienyja narady milicyi, miedyki, AMAP. Pry hetym supracoŭniki MNS i MUS ustrymlivalisia ad kamientaroŭ.
Aficyjnaje paviedamleńnie pra vučeńni ŭ mietrapalitenie źjaviłasia tolki ŭviečary 23 vieraśnia. Pryčym pres-sakratar Ministerstva pa nadzvyčajnych situacyjach Vital Navicki u toj ža viečar paviedamiŭ, što nie vałodaje detalovaj infarmacyjaj, bo heta «nie vučeńni MNS». Chacia sp. Navicki i nie admaŭlaŭ taho, što vyratavalniki prysutničali na miescach praviadzieńnia vučeńniaŭ.
Zhodna z sajtam HUUS Minharvykankama, u mietro prachodzili vučeńni pravaachoŭnych orhanaŭ. Padkreślivajecca, što jany adbyvalisia «va ŭmovach, maksimalna nabližanych da realnych». Šarahovyja milicyjanty, jakija dahladajuć ludziej u mietro, paviedamlajuć, što vučeńni praciahnucca da 26-ha vieraśnia.
