25 vieraśnia palitviaźniu spoŭniŭsia 51 hod. Heta treci dzień narodzinaŭ zapar, jaki pravaabaronca pravodzić za kratami.
Aleś Bialacki byŭ zatrymany ŭ Minsku 4 žniŭnia 2011 hoda. U listapadzie 2011 h. sud pryznaŭ jaho vinavatym va ŭtojvańni dachodaŭ u asabliva bujnym pamiery i asudziŭ da čatyroch z pałovaj hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści (u Babrujskaj № 2).
Padstavaj dla kryminalnaha pieraśledu stała najaŭnaść u Bialackaha zamiežnych bankaŭskich rachunkaŭ, srodki ź jakich vykarystoŭvalisia dla pravaabarončaj dziejnaści.
Adkryć rachunki ŭ Biełarusi nie ŭjaŭlałasia mahčymym, tak jak centr «Viasna» pracuje nielehalna — ŭłady nieadnarazova admaŭlali ŭ aficyjnaj rehistracyi arhanizacyi.
Sud taksama nie pryniaŭ da ŭvahi toje, što škoda, jakuju nibyta nanios dziaržavie Bialacki, była całkam pahašana za košt dobraachvotnych achviaravańniaŭ hramadzian.
Kab padtrymać Alesia Bialackaha, možna dasłać jamu list ci paštoŭku na nastupny adras:
Bialackamu Alesiu Viktaraviču, Sikorskaha 1, IK-2, atrad 14, Babrujsk, 213800.
Možna taksama dać telehramu, patelefanavaŭšy na numar 166. Košt telehramy minimalny.
Usiaho za kratami ŭ Biełarusi znachodzicca, pavodle acenki pravaabaroncaŭ, dziesiać palitviaźniaŭ:
eks-kandydat u prezidenty Mikałaj Statkievič, Pavieł Sieviaryniec, Eduard Łobaŭ, Jaŭhien Vaśkovič, Arciom Prakapienka, Ihar Alinievič, Mikałaj Dziadok, Mikałaj Aŭtuchovič, Andrej Hajdukoŭ, Aleś Bialacki.
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»14
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2525
Kamientary