Adnosna situacyi z aryštam Baŭmhiertniera jon dumaje, što «jana vyrašycca vielmi dobra dla rasiejskaha boku. Šantaž z Rasiejaj nie pracuje», — zajaviŭ Ivanoŭ.
Siarhiej Ivanoŭ — adzin z samych upłyvovych i blizkich da Pucina ludziej u kiraŭnictvie Rasii.
Nahadajem, kiraŭnika «Urałkalija» Uładzisłava Baŭmhiertniera zatrymali 26 žniŭnia ŭ minskim aeraporcie paśla sustrečy ź Michaiłam Miaśnikovičam. Śledčy kamitet Biełarusi zajaviŭ, što hiendyrektar “Urałkalija” nanios škodu Biełarusi. Baŭmhiertnieru vystaŭlenaje abvinavačańnie va złoŭžyvańni ŭładaj i słužbovymi paŭnamoctvami. Jamu pahražaje da 10 hadoŭ pazbaŭleńnia voli z kanfiskacyjaj majomaści. Śledčy kamitet paviedamiŭ, što straty pa spravie Biełaruskaj kalijnaj kampanii aceńvajucca na 100 młn dołaraŭ.
Baŭmhiertnier miesiac znachodziŭsia ŭ śledčym izalatary KDB, a na minułym tydni pieraviedzieny pad chatni aryšt u Minsku — u dzień pryjezdu Pucina na vučeńni.
Ivanoŭ daŭ redkaje intervju čatyrom samym upłyvovym rasijskim ŚMI. U im jon vykazaŭsia pra aktualnyja temy palityki, ekanomiki, mižnarodnaha žyćcia, a taksama ab ułasnych prezidenckich pierśpiektyvach. Siarod inšaha, jon zajaviŭ, što z savieckaha minułaha niama čaho zapazyčyć i raskazaŭ pra ŭłasnuju padstupnaść i svaje zachapleńni leapardami i baletam.
