Baćka Majkła Mjukiejsi mieŭ proźvišča Mukasiej i pachodzić z-pad Baranavičaŭ.
Michael Mukasey |
Prapanavany na post ministra justycyi i hienprakurora ZŠA kolišni federalny sudździa Majkł Mjukiejsi (Mukasey) — vychadziec ź Biełarusi, paviedamiŭ RIA «Novosti» Valer Ščukin, pierakładčyk, jaki doŭhi čas pracavaŭ razam z Mjukiejsi ŭ federalnym sudzie Paŭdniovaj akruhi Ńju‑Jorku.
«Ja adnojčy zacikaviŭsia karaniami Mjukiejsi, i jon mnie skazaŭ, što jahony baćka — vychadziec ź Biełarusi, ź miastečka pad Baranavičami. U ich raspaŭsiudžanaje ŭ Biełarusi proźvišča Mukasiej, transfarmavanaje ŭ amerykanskaje Mjukiejsi. Biełaruskaj movaju jon nie vałodaje, bo naradziŭsia ŭžo ŭ ZŠA», — skazaŭ Ščukin, jaki taksama emihravaŭ ź Biełarusi.
Kandydatura novaha ministra justycyi j hienprakurora, jaki pavodle pasady taksama adkazvaje za kiraŭnictva FBR, musić prajści zaćvierdžańnie ŭ senacie ZŠA i tolki paśla hetaha Mjukiejsi zmoža ŭznačalić hetaje najupłyvovaje viedamstva.
Mjukiejsi‑Mukasiej pracavaŭ ciaham 18 hadoŭ sudździom u Paŭdniovaj akruzie da vychadu na pensiju ŭ 2006 hodzie. Jon vynosiŭ verdykty pa «hučnych» terarestyčnych spravach i, u pryvatnaści, na pracesie pa spravie isłamistaŭ, jakija arhanizavali vybuch u haražy ńju‑iorskaha Suśvietnaha handlovaha centru ŭ 1993 hodzie.
«Mjukiejsi taksama razhladaŭ šmatlikija spravy «ruskaj mafii» i vyłučaŭsia spraviadlivym i niezaležnym staŭleńniem», — skazaŭ Ščukin.
U jurysdykcyju Paŭdniovaj akruhi traplali bahata jakija złačynstvy, učynienyja nasielnikami Brajtanu — rajonu, nasielenaha vychadniami z SSSR i słavutaha koliś jak prystanišča «čyrvonaj mafii» ŭ Ńju‑Jorku.
Mjukiejsi musić zamianić Alberta Hansalesa, jaki syšoŭ u adstaŭku ŭ minułym miesiacy i jakoha demakraty vinavacili ŭ praduziataści j zališniaj lajalnaści da administracyi Džordža Buša.
Ciapier čytajuć
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary