Ksiondz Łazar: Čakaju vyzvaleńnia, bo ni ŭ čym nie vinavaty
Svajaki ksiandza Uładzisłava Łazara atrymali ad jaho pieršy list.
Ksiondz Uładzisłaŭ Łazar, jakoha aryštavali 4 miesiacy tamu, abvinavaciŭšy ŭ pasobnictvie špijanažu, nie pryznaje siabie vinavatym. Heta vynikaje ź lista, jaki atrymała siastra viaźnia Janina Łazar:
«Napisaŭ, što ni ŭ čym nie vinavaty i čakaje vyzvaleńnia», — paviedamiła spadarynia Janina. Pavodle jaje, rasśledavańnie spravy praciahvajecca, ale nijakija padrabiaznaści joj nieviadomyja, bo navat advakat nie paviedamlaje amal ničoha.
Siastra Uładzisłava Łazara praciahvaje niepakoicca pra zdaroŭje brata, jaki niekalki hadoŭ tamu pieranios składanuju apieracyju. «U liście jon hetu temu abminaje», — kaža Janina Łazar.
Ksiondz z Barysava Uładzisłaŭ Łazar byŭ aryštavany supracoŭnikami KDB u kancy maja i źmieščany ŭ izalatar KDB.
Tolki praz 3 miesiacy z KDB paviedamili kiraŭnictvu biełaruskaj katalickaj carkvy, što ajca Uładzisłava abvinavacili ŭ pieradačy hrošaj čałavieku, jaki padazrajecca ŭ špijanažy suprać Biełarusi. Ad svajakoŭ ksiandza Łazara viadoma, što ŭ žniŭni rasśledavańnie jaho spravy było praciahnutaje, ale na jaki termin, źviestak niama.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii60
Kamientary