«Śniežny čałaviek» – heta kniha šviedskaj piśmieńnicy Evy Susa. Pani Susa pryjazdžaje ŭ stalicu Biełarusi, kab prezientavać biełaruski pierakład svajho vydańnia. Sustrečy adbuducca 13 i 14 kastryčnika. Na ich razam sa šviedkaj vystupić papularnaja biełaruskaja dziciačaja aŭtarka Alena Masła.
Eva Susa (Eva Susso) — aŭtar niekalkich šyroka viadomych u Šviecyi sieryj knih dla dziaciej i padletkaŭ. Naradziłasia ŭ 1956 hodzie ŭ Hioteborhu. Pieršuju knihu dla dziaciej vydała ŭ 1995 hodzie. Niadaŭna novaja kniha Evy Susa «Śniežny čałaviek» vyjšła pa-biełarusku ŭ pierakładzie Alesi Bašarymavaj. Vydańnie stała pieršym u dziciačaj sieryi «Kalarovy rovar», zasnavanaj HA «Sajuz biełaruskich piśmieńnikaŭ».
Hetaja kniha — miłaja historyja siabroŭstva dvuch bratoŭ Una i Maksa sa śniežnym čałaviekam azdoblena mastakom Benžamenam Šo — adnym z samych papularnych ilustrataraŭ dziciačych knih u Francyi.
13 kastryčnika (niadziela) Eva Susa sustreniecca z maleńkimi čytačami i ich baćkami ŭ dziciačaj biblijatecy № 6 imia Vasila Vitki (K. Libkniechta, 98). Pačatak sustrečy a 12.00.
U paniadziełak, 14 kastryčnika, u 12.00 adbudziecca prezientacyja «Śniežnaha čałavieka» ŭ Centralnaj dziciačaj biblijatecy imia Mikałaja Astroŭskaha (pr-t haziety «Praŭda», 20; st. m. Piatroŭščyna).
Uvachod na abiedźvie imprezy volny.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»9
Kamientary