Varta pahladzieć. U Minsku adkryvajecca vystava viadomaha hrodzienskaha mastaka Siarhieja Hrynieviča
U Respublikanskaj mastackaj halerei «Pałac mastactvaŭ» 17 sakavika adkryjecca piersanalnaja vystava hrodzienskaha mastaka-manumientalista Siarhieja Hrynieviča «Demahrafija». Hrynievič — adzin z najcikaviejšych sučasnych biełaruskich tvorcaŭ.
U prajekcie «Demahrafija» buduć pradstaŭlenyja manumientalnyja žyvapisnyja pałotny, jakija ŭražvajuć novym pohladam na aktualnyja prablemy epochi i kulturna-histaryčnyja pracesy, havorycca ŭ pres-relizie.
Siarhiej Hrynievič aktyŭna ŭdzielničaje ŭ respublikanskich i mižnarodnych vystavach. Pravioŭ bolš za 60 piersanalnych vystaŭ pa ŭsim śviecie, udzielničaŭ u šmatlikich kalektyŭnych prajektach. Raboty aŭtara pradstaŭlenyja ŭ halerejach ZŠA, Kitaja, Brazilii, Polščy, Ispanii, Hiermanii, Rasii, Litvy, Francyi, Šviejcaryi. Karciny mastaka znachodziacca ŭ šmatlikich pryvatnych kalekcyjach i ŭ muziejach Biełarusi, a taksama krainach Zachodniaj Jeŭropy.
«Dla mianie praca nad karcinami źjaŭlajecca taksama subjektyŭnaj sprobaj parazvažać nad paniaćciami dabra i zła, sprobaj adšukać vizualny kod ich uzajemapraniknieńnia, namacać časam niaŭłoŭnuju miažu pamiž imi», — havoryć mastak pra svaju tvorčaść. «Zastavacca ščyrym samim z saboj u mastactvie. Ja i da siabie heta adnošu. Kampramisy z sumleńniem adklikajucca vielmi doraha», — pierakanany jon.
Vystava budzie pracavać da 3 krasavika 2022 hoda ŭ Pałacy mastactvaŭ, vuł. Kazłova 3.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary